19
Жексенбі,
Қаңтар

һижри

Ғұламалар кеңесінің XXIV мәжілісі өтуде (ФОТО)

Ғұламалар кеңесінің XXIV мәжілісі өтуде (ФОТО)

Ел іші
Жарнама

6 желтоқсан. Нұр-Сұлтан. Ummet.kz - Кеше Алматыдағы Қазақстан мұсылмандары діни басқармасының кеңсесінде Бас мүфти Серікбай қажы Ораздың төрағалығымен Ғұламалар кеңесінің XXIV мәжілісі өз жұмысын бастады, деп хабарлайды ҚМДБ баспасөз қызметіне сілтеме жасаған ummet.kz тілшісі.

Мәжіліске бірінші наиб мүфти, Ғұламалар кеңесі төрағасының орынбасары, Нұр-Сұлтан қаласының бас имамы Наурызбай қажы Тағанұлы, наиб мүфти, Ғұламалар кеңесінің хатшысы Ершат қажы Ағыбайұлы, ҚМДБ Аппарат басшысы Ғылымбек Мәжиев, Бас мүфти кеңесшісі Мұхаммед-Хұсейн Алсабеков, т.б. кеңес мүшелері қатысуда.

 Мәжілісті ашқан Серікбай Сатыбалдыұлы 2020 жылы Қазақстан мұсылмандары діни басқармасының құрылғанына 30 жыл толатынын, айтулы мерейтой аясында ғылыми-танымдық кітаптар шығарып, әл-Фарабидің 1150, Абайдың 175, Алтын Орданың 750 жылдығы қарсаңында халықаралық конференциялар өткізуді тапсырды. Сонымен қатар, 30 жылдық мерейтой кезінде 30 жетім балаға, 30 отбасына қайырымдылық көмек көрсетудің маңызын атап өтті.

 Ғұламалар кеңесінің хатшысы Ершат қажы Ағыбайұлы мәжілісте қаралатын құжаттармен таныстырып, күн тәртібіндегі мәселелерді атап өтті.

 Сонымен бүгін өз жұмысын бастаған кеңестің XXIV мәжілісінде «Құдайы ас берудің тәртібі», «Ауызашар берудің әдебі», «Мұсылман зиратының тәртібі» сынды бірқатар құжаттармен қоса, «Бөліп төлеу арқылы үлкен және кіші қажылыққа барудың үкімі», «Құмар және лотерея ойындарының үкімі», «Буаз малды бауыздаудың үкімі», «Теңіз өнімдерін (асшаян, сушаян, таңқы шаян) пайдаланудың үкімі», т.б. мәселелер бойынша жазылған пәтуаның мәтіні талқылаудан өтуде.

 Кеше басталған Кеңес жұмысы бүгін де ҚМДБ кеңсесінде жалғасуда.

6d094de1 8c66 445f ad96 69940b4761cb

1226ead1 1a48 4f2b 9286 7b678c75bc6f

1b4a376d e675 469d 8da9 d448ee397f25

795518d5 35ab 42c9 909b 312cad587606

Бөлісу:

Пікірлер қалдыру