13 қаңтар. Нұр-Сұлтан. Ummet.kz – Қазақстан мұсылмандары діни басқармасының төрағасы Серікбай қажы Ораз бұрынғы Бас мүфтилер - Рәтбек қажы Нысанбайұлы, Әбсаттар қажы Дербісәлі, Ержан қажы Малғажыұлымен кездесіп, мүфтияттың 30 жылдық мерейтойына орай дін қайраткерлерінің иығына шапан жапты, деп хабарлайды ҚМДБ баспасөз қызметіне сілтеме жасаған ummet.kz тілшісі.
Серікбай Сатыбалдыұлы еліміздің игілігі мен бірлігіне, Ислам дінінің дамуына сүбелі үлес қосқан мүфтилерге алғадай алғысы мен ізгі тілегін жеткізді.
Алматы қаласында өткен кездесуде мүфтилер мүфтияттың қызметін жаңғырту жолындағы жобаларды талқылады. Сондай-ақ, ширек ғасырдан астам кезеңге қадам басқан ҚМДБ бастамаларына сәттілік тіледі.
Бөлісу:
