Бүгінгі таңда халықтың діни білімін жетілдіріп, Ислам жайлы сенімді ақпарат жеткізуде, насихат жұмыстарын дұрыс жүргізуде имамдардың рөлі жоғары. Ал, уақыт өткен сайын халықтың діни тұрғыдағы сұрақтарының салмағы да артып келеді.
Осы бағыттарда нәтижелі жұмыстар атқару үшін имамдардың білімін арттыру кезек күттірмейтін мәселе. Мұндай біліктілікті арттыру жұмыстары ҚМДБ тарапынан жүйелі ұйымдастырылып келеді.
Ағымдағы жылдың қыркүйек айының басынан бері ҚМДБ-ның Қызылорда облысы бойынша өкілдігіне қарасты облыс мешіттерінің имамдары Алматы қаласындағы «Нұр Мүбарак» Ислам университетінде білім жетілдіру курсынан өтуде.
3 топқа бөлінген облыс имамдары бір ай бойы біліктіліктерін арттыратын болады.
Қызылорда облыстық «Ақмешіт-Сырдария» мешітінің баспасөз қызметі
