20
Дс, Қар
10 Жаңа

Бас мүфти діни басқармаға латын әліпбиіне көшуді тапсырды

Ел іші
Шрифт

Бас мүфти Ержан қажы Малғажыұлы латын әліпбиіне көшу мәселесі бойынша Діни басқарманың бөлім басшылары мен дін қызметкерлеріне нақты тапсырмалар берді.

Қазақстан мұсылмандары діни басқармасының Алматы қаласындағы кеңсесінде өткен жиналыста ҚМДБ төрағасы Діни басқармаға қарасты ақпарат құралдарын және мешіт атауларын латын әліпбиіне кезеңмен көшіру бағыты бойынша сапалы жұмыс жүргізудің маңыздылығын атап өтті.

DSC 0071

«Елбасы Нұрсұлтан Назарбаев «Болашаққа бағдар: рухани жаңғыру» атты мақаласында қазақ тілін біртіндеп латын әліпбиіне көшіру жұмыстарын бастау қажеттігін тапсырған болатын. Латын әліпбиіне көшу маңызы өте зор.

Латын әліпбиіне көшу – қазақ халқының алға жылжуына, жаңа заман талабына сай өсіп-өркендеуіне, болашақта еліміздің жан-жақты дамуына үлес қосатыны сөзсіз. Діни басқарма осы мақсатта бүгінен бастап латын әрпіне көшіру жұмыстарын кезең-кезеңімен қолға алу керектігін жеткізді.

Бірінші: Қалалардағы үлкен мешіттерден бастап, аудан, ауыл мешіттерінің атауларын жаңа әліпбиге көшіру жұмыстарын тапсырамын.

Екінші: Діни басқармаға қарасты ақпарат құралдарының жұмыстарын латын әрпіне көшіруді тапсырамын. Дін саласына қатысты ақпарат тарататын газет-журналдар, сайт-порталдар, «Хикмет» телерадио студиясының жұмыстарын көшіруді қолға алуымыз керек» деді бас мүфти Ержан қажы Малғажыұлы.

Бас мүфти Ержан қажы Малғажыұы аталған бағыттар бойынша жұмысты ҚМДБ-ның Аппарат басшысы Ғылымбек Мәжиевке тапсырды.

DSC 0067

BLOG COMMENTS POWERED BY DISQUS
e-max.it: your social media marketing partner