18 тамыз. АСТАНА. Ummet.kz – ҚМДБ-ның Семей аймағы бойынша өкіл имамы Алтыбай Мақсат Қуанышұлы және «Зекет» қоры бірігіп пәтер жалдап тұратын 5 балалы отбасыға баспананың кілтін табыс етті, деп хабарлайды muftyat.kz сайтына сілтеме жасаған ummet.kz тілшісі.
Өкіл имам Мақсат Қуанышұлы жаңа үйге кірген отбасыға ақ батасын беріп:
«Бұл атқарып жатқан игі жұмыстарымызды көпшілікке көрсетпеуімізге де болатын еді. Бірақ, бұл жұмыс басқа қалталы азаматтарға ғибрат болса екен деген ниетіміз бар», - деді.
Бұған дейін пәтер жалдап, таршылық тауқыметін көрген Айсұлу Сәрсембекқызы өкіл имам Мақсат Қуанышұлына, көмек көрсеткен мешіт жанашырлары мен мешіт жамағатына, мейірімді жандарға алғыс білдірді.
Бөлісу:
