19
Жұма, Сәуір

һижри

Бас мүфти Моңғолия мүфтиін қабылдады (ФОТО)

Бас мүфти Моңғолия мүфтиін қабылдады (ФОТО)

Ел іші
Жарнама
20 наурыз. АСТАНА. Ummet.kz - Қазақстан мұсылмандары діни басқармасының төрағасы, Бас мүфти Серікбай қажы Ораз Астанада Моңғолия мұсылмандар одағының төрағасы, қандасымыз, мүфти Батырбек қажы Хадысұлын қабылдады, деп хабарлайды muslim.kz сайтына сілтеме жасаған ummet.kz тілшісі.
Ресми кездесуге ҚМДБ төрағасының бірінші орынбасары, Астана қаласының бас имамы Наурызбай қажы Тағанұлы, ҚМДБ Халықаралық қатынас және протокол бөлімінің меңгерушісі Ершат Оңғаров қатысты.
 
Қадірлі қонақ жаңа ғимаратқа қоныс аударған Бас мүфтиді, Қазақстан мұсылмандары діни басқармасының ұжымын құттықтап, шынайы тілеулестігін білдірді.
 
Кездесуде мүфтилер діни татулық, қазіргі сын-қатерлермен бірлесе күресу, салт-дәстүрді жаңғырту, т.б. мәселелер төңірегінде жан-жақты пікір алысты. Бас мүфти Серікбай қажы Сатыбалдыұлы Діни басқарма тарапынан Моңғолия еліндегі мешіттер мен имам-молдаларға қолдау көрсету шаралары жалғаса беретінін жеткізді.
 
«Біз, Моңғолияның діндар қауымы Қазақстан мұсылмандары діни басқармасының бастамаларына әрқашан тілеулестік білдіріп отырамыз. Сіздердің қамқорлықтарыңызға айрықша алғысымды білдіремін. Арғы беттегі ағайын ҚМДБ-ның қолдауын әрқашан сезінеді», – деді Б.Хадысұлы.
 
Бас мүфти Моңғолия мүфтиіне Астанада 2019 жылдың 11 сәуірінде өтетін Қазақстан мұсылмандары діни басқармасы мен Ресей мүфтилер Кеңесінің бірлесе ұйымдастыратын «Рухани Жібек жолы. Ислам және жастар: қазіргі заман сын-қатерлері» атты IV Халықаралық ғылыми-діни конференцияның мақсаты жайлы әңгімелеп берді. Сонымен қатар, Батырбек Хадысұлын айтулы шараның қадірлі қонағы болуға шақырды.
 
Мәртебелі мейман мүфтияттың бұл игі бастамасына тілеулестік білдірді.
348A3029
 
348A3043
 
348A3045
 
348A3052
 
348A3058
 
348A3067
 
348A3102
 
daddff776806598fd168fb4280c35112