25
Сейсенбі, Қыркүйек

һижри

Бас мүфти Қырғыз Республикасының мүфтиімен кездесті (ФОТО)

Бас мүфти Қырғыз Республикасының мүфтиімен кездесті (ФОТО)

Жаһан
Шрифт

13 қыркүйек. АСТАНА. Ummet.kz - Қазақстан мұсылмандары діни басқармасының төрағасы Серікбай қажы Ораз Бішкек қаласында Қырғыз Республикасының мүфтиі Мақсатбек қажы Тоқтамысовпен кездесті, деп хабарлайды ҚМДБ-ның баспасөз қызметіне сілтеме жасаған ummet.kz тілшісі.

Ресми қабылдауда дін қайраткерлері қазақ-қырғыз бауырластығы нығайып келе жатқанын айрықша атап өтті. Сонымен қатар, тараптар Орталық Азиядағы мұсылман үмбетінің ауызбіршілігі, діни тұтастығы мен ортақ құндылықтары жайлы пікір алысты. Бауырлас елдердің мүфтилері ортақ мүдде мен мақсат үшін бірлесіп қызмет етудің маңыздылығына тоқталды. Өз кезегінде Мақсатбек қажы Тоқтамысов Қазақстан мұсылмандары діни басқармасының ұйымдастыруымен Астанада өткен Еуразия мұсылман ғұламаларының форумы жайлы оң пікірін білдірді.

Серікбай қажы Ораз Қырғыз Республикасының мүфтиін Астанада өтетін Әлемдік және дәстүрлі дін лидерлерінің кезекті съезіне шақырды.

«Қырғыз – қазақ халқына ең жақын ұлт. Біздің дәстүріміз бен дініміз, мәзһабымыз бен мәдениетіміз бір. Ортақ құндылықтарымыз көп. Қырғызстан – Орталық Азиядағы бізге ең жақын бауырлас ел. Діни, рухани бағыттағы әріптестік байланысымызды әрқашан жандандырып отыруымыз – татулығымыздың жарқын көрінісі», – деп атап өтті Серікбай Сатыбалдыұлы.

Басқосу барысында Қырғыз Республикасының мүфтиі Мақсатбек Тоқтамысов ресми сапармен арнайы Бішкекке келген Серікбай қажы Оразға алғысын білдірді.

Айта кетейік, бүгін Бас мүфти бастаған қазақстандық делегация Бішкекте өтетін халықаралық форумға қатысады.

e-max.it: your social media marketing partner

Категория бойынша