13 наурыз. АСТАНА. Ummet.kz – Сауд Арабия Корольдігінде дәстүрлі «Camel Fest» халықаралық фестивалінің аясында биыл бірінші рет «Көшпенділер әлемі» этнофестивалі өтіп жатыр, деп хабарлайды asiatv.kg сайтына сілтеме жасаған ummet.kz тілшісі.
«Көшпенділер әлемі» этнофестивалі Этноойындардың Дүниежүзілік конфедерациясы (Қырғызстан) мен Camel Club (Сауд Арабия) ұйымдарының бірлесе атсалысуымен жүзеге асып отыр. Әлемнің 77 елінен келген 725 спортшы негізгі екі бағытта өнер көрсетеді. Бірінші бағыт бойынша спорттың 15 түрінен сайыс өтсе, екінші бағытта спорттың 16 түрінен демонстрациялық көріністер ұйымдастырылады.
Фестиваль жылдағы дәстүр бойынша Эр-Рияд қаласынан 150 км қашықтықта орналасқан Әл-Саяхид ауылында өтуде. Наурыздың 9-да басталған фестиваль 23-наурызға дейін жалғасады.
