Кім Алла Тағаланы жас әрі қуатты кезінде есінде ұстаған болса, Алла оны ескеріп, қартайып, күш-қуаттан айрылған кезінде ақыл-парасат беріп, Қиямет күні құрметті орын нәсіп етеді және ешқандай көлеңкесіз сол Күні Өз тағының саясында паналатады.
Алла елшісі (с.а.с.): «Ешқандай көлеңке болмайтын Күні Алла жеті (сипаттағы адамды) Өз көлеңкесінде паналатады: әділ патшаны, аса Құдіретті де Ұлы Аллаға құлшылық етіп өскен жасты...», – деген.
Бәлкім, осы себепті көкесінің баласына оның балиғатқа жақындап қалғанын (ескеріп), ол өзінің қайрат-жігерге толы жастық шағын дұрыс пайдалануы үшін осындай өсиет айтқан болар.
Расында Пайғамбар (с.а.с.): «Бес (жағдайды басқа) бес (жағдаймен кез болғанша) пайдаланып қал: жас шағыңды қарттық (жеткенше пайдалан)...», – деген.
Жастар мұсылман үмбетінің болашағы екенін ескерсек, бұл сөздердің мәні зор. Шындық пен әділдікке шақыру жастардың күш-қайратымен іске асады. Ниеті бұзық жалған сөзділер жастарды жолдан тайдыруға әрекет жасайды, сондықтан әсіресе адамдар мен жындардан болған шайтандардың тегеурініне шыдауы үшін олар айрықша қамқорлық пен жақсы өсиеттерге (ақыл-кеңестерге) мұқтаж.
материал «Имам ән-Нәуәуи таңдаған қырық хадис шархы» кітабынан алынды,
ummet.kz
