Мұсылман қажылық жасамастан бұрын мына шарттарды орындауы қажет

Мұсылман қажылық жасамастан бұрын мына шарттарды орындауы қажет

Қажылық

Мұсылман  қажылық  жасамастан  бұрын  мына шарттарды орындай алатынына көзі жету керек:

1. Ақыл-есі дұрыс болу. Мәжнүн адамға қажылық  жасауға болмайды, ал егер оның ақыл-есі орнына келіп, сау адамдар қатарына қосылса, онда қажылық оның парызына айналады.

2. Кәмелетке толу. Қажыға барып келгенше бала-шағасына жететін қаражаты болу және қажылық жасауға шамасы жететінін сезіну.

3. Бар жасаған қиянаттарын мойнына алады. Өзін ренжіткен адамды кешіреді.

4. Қажылыққа кететін қаражатына, жол шығынына өкінбейді.  Қажылыққа  жұмсалатын  пұл  адал жолмен табылған болу керек.

5. Жиналған  ақшадан  зекет  салығы  алынады. Қайыршы, мүсәпірлерге садақа таратады.

 

Меккеге барып-қайтуға мұсылман адамның шама-шарқы жететінін мына үш жағдаймен анықтайды:

а) Денсаулығы жол сапарына, қажылықтың әдет-ғұрыптарын орындауда төзімді болу керек.

ә) Жол амандығы, яғни сапар шегетін жолда соғыс қаупі, ұры-қарақшылар болмау керек. Егер он-дай кауіп-қатерлер байқалса, онда қажылықтан бас тарту күнәға жатпайды. Алайда, мұсылман қауіп-қатерге  бас  тігіп,  қажыға  барса,  оның қажылығы қабыл болады.

б) Сауд тарапының талабы бойынша қазіргі уақытта қажыға ұшақ не кемемен баруға болады.

Әйел  де  еркек  секілді  қажыға  барады.  Алайда, күйеуге шыққан әйел қажыға барғысы келсе, алдымен күйеуінен рұқсат сұрайды. Егер әйел алғаш рет қажыға барғалы  тұрса,  онда  күйеуі  міндетті  түрде  рұқсат береді. Ал егер әйел адам қажыға екінші рет барғалы тұрса, не бірнеше рет барған болса, онда ол күйеуінің айтқанын тыңдайды. Әйел адам қажыға күйеуіне еріп, не туысқанымен ғана бара алады.

материал «Қажылық» кітабынан алынды,

ummet.kz

Бөлісу: