Адамның Алла Тағала оның сыртқы және ішкі дүниесін бақылап тұрғанын әрдайым есте ұстап әрі солай екендігіне нақты сенімді болуы мурақаба деп аталады.
Мухасиби атты ғалымнан мурақабаның не екендігі жайында сұрағанда: «Жүректің Алла Тағаланың өте жақын екендігін білуі», – деп анықтама берген. Жәбірейіл (Алланың сәлемі болсын) періште Пайғамбарымыздан (с.ғ.с): «Маған енді ихсан жайында хабар бер», – деп сұрағанында Алла елшісі (с.ғ.с): «Ол сенің Аллаға Оны көріп тұрғандай құлшылық қылуың, егер оны көріп тұрғандай бола алмасаң, Ол сені көріп тұр (деп құлшылық қылуың)», – дейді. Кей ғалымдар бұл хадистегі ихсан сөзі мурақаба мағынасында қолданылып тұрғанын айтқан.
материал «Ислам әдептерінің энциклопедиясы» кітабынан алынды,
ummet.kz