«Алла оларды разы болатын орынға кіргізеді. Рас, Алла аса білуші, өте жұмсақ». («Хаж» сүресі, 59)
«Сонда ол қуанышты тіршілікте, көтеріңкі жəннатта бола- ды. Жемістері салбырап тұрады. (Оларға): «Өткен күнде істеген амалдарыңның арқасында ішіңдер, жеңдер сіңімді болсын» (делінеді)». («Хаққа» сүресі, 21-24)
«Бірақ кім тəубе қылып, иман келтірген түрде түзу іс істесе, міне солар ешбір əділетсіздікке ұшырамай жəннатқа кіреді». («Мəриəм» сүресі, 60)
«Ол күні кейбір жүздер шаттықта, амалдарына разы». («Ғашия» сүресі, 8-9)
«Ал енді иман келтіріп, ізгі іс істегендер бір бақшада сыйланады». («Рум» сүресі, 15)
«Қиямет күні кейбір жүздер жарқырап Раббына қарайды». («Қиямет» сүресі, 22-23)
«Сондықтан Алла оларды сол күннің апатынан сақтап, жарық жүз əрі қуанышқа бөлейді». («Инсан» сүресі,11)
«Олардың бақытқа бөленгендіктерін шырайларынан таныйсың». («Мутаффифин сүресі», 24)
«Ал енді кімнің дəптері оңынан берілсе, сонда ол дереу жеңіл есеппен есептеледі. Ол үй ішіне қуанып қайтады». («Иншиқақ» сүресі, 7-9)
материал «Құран антологиясы» кітабынан алынды,
ummet.kz
