Тасаууф – Хақ Тағаланың ұлылық, құдірет және сұлулығы алдында таңданушылықпен және үреймен есінен тану мас әрі көкірегі ояу болу.
Өйткені, Тасаууф – Хақ Тағаланың шексіз сырларына қайран қалу.
Тасаууф – көңіл сарайынан Аллаһтан басқа барлық нәрсені шығару. Өйткені, Тасаууф мүминнің жүрегін Алланың ғаршы болуы деген сөз.
Тасаууф – демде шығыс пен батысқа жету, яғни сол жерлердегі мүминдерді ойлап, олардың қуанышы мен қайғысына ортақтасу. Мұқтаждарға көмек көрсету. Және Тасаууф - барлық халықты көріп, көз қырын салу.
Тасаууф – әлемнің барлық зәррәларында Хақ Тағаланы көру. Солайша тасаууф – әлемге күн сияқты болу.
Тасаууф – жетпіс екі елдің тілін білу, яғни әркімнің халін түсіну.
Тасаууф – ақыл әлеміне Сүлеймен (патша) болу.
Тасаууф – Хақ Тағаланың адамға жүктеген иләһи аманаты – Құран Кәрім мен оның әкелген жауапкершілігін жан-тәнімен көтеру. Тасаууф иләһи кешірімді сүйіншілейтін аяттарға арна болу.
Тасаууф – бүкіл дүниеге «Исми-ағзаммен» ықпал ету. Және де тасаууф Құранның үкімдерін көңілде жинақтау. Яғни тірі Құран бола білу.
Тасаууф – әр ісінде Алла Тағалаға бет бұру. Және тасаууф – сопыға барлық қиыншылықтың жеңілдеуі.
Тасаууф – көңілді Хақ Тағаланың іліміне арнау. Яғни ғайып іліміне ие болу. Осылайша тасаууф – бір тамшы сияқты болған сопының терең дарияға айналуы.
Тасаууф – Хақ Тағаланың бар болуының алдында барлық жаратылыстың «лә (жоқ)» отына күйіп, күл болуы.
Тасаууф – «иллә» нұрымен, яғни тазарған көңілмен Алланы бірлеп, кәміл адам болу.
Тасаууф – «Айт: Алла саған жетер!» («Рағд» сүресі 43-аят) аятымен адамдарды Хақ жолына шақыру. Және тасаууф – «Раббыңа қайт!» (Фәжр сүресі 28-аят) сөзінің шабытымен есінен тану (өз болмысынан кешу).
Тасаууф – күн сайын өлмей тұрып өлудің сырын мың рет бастан өткізіп, жүректің оянуы. Одан кейін тасаууф – әлемнің денесіне жан болу. Яғни басқа көңілдерді де тірілту.
Тасаууф – адамның өз болмысын Хақ Тағаланың болмысының алдында жоқ ету. Сосын тасаууф – миғраж қауышуында көрініс тапқан және аятта «екі оқтан да жақын» (Нәжм сүресі 9-аят) түрінде баяндалған жақындық ішінде өзін жасыра білу.
Тасаууф – жанды сүйіктіге беріп әр түрлі фәнилік тұтқындықтан құтылу. Бұл жөнінен тасаууф – сүйіктінің жаны бола білу, яғни оның тарапынан да сүйілу. Ей, Ибраһим!
Тасаууф – негізінде Алла Тағалаға құл болу. Сол үшін тасаууф – Хазіреті Ахмедтің (саллаллаһу аләйһи уә сәлләм) жолы мен дәстүрін көңілге көсем ету.
материал «Иманнан ихсанға» кітабынан алынды,
ummet.kz
