Қадір түні – Ислам діні қасиетті деп санайтын түндердің бірі. Себебі, сол түнде Хазіреті Мұхаммедке Құран түсірілді.
Жалпы Рамазан айының 27-ші түні деп қабылданып, «мың айдан қайырлы...» деп сипатталады. Қадір түнінде Жаратушы Хазіреті Мұхаммедке алғашқы уахи жіберді. Мәулананың бұл ерекше түнге сілтеме жасауының себебі, ол шын мәнінде әр түннің иләһи тәртіппен байланыста және ағымда екенін еске салғысы келеді. Әр түн қасиетті, себебі, Жаратушы әр түні, әр сәтте сенімен сөйлеседі. Ол сені естиді, көреді, біледі және кез келген сәтте жүрегіңе бірдеңе сыбырлайды. Сіз оның сыбырын ести аласыз ба? Басыңыздан өткен оқиғаға мұқият мән беріңіз, кездескен әр жанды бағалаңыз және әр түнді қасиетті Қадір түніндей көріңіз. Ғаламның әрқашан сіздің жаныңызда болғанын көресіз. Ол сізді ешқашан ренжітпеген, теріс айналмаған, жазалаған да емес. Тек, сіздің түсінуіңізді, көруіңізді, естуіңізді күткен.
«Әр адамды Қыдыр деп біл» — бұл адамдармен жақсы қарым-қатынаста болуды, әркімге құрметпен қарауды және адамдар арасында жасырынған игілікті іздеуді білдіретін терең мәнді халықтық нақыл сөз. Ол «Әр келгенді Қыдыр біл, әр түніңді Қадір біл» деген қағидамен байланысты, адамдарға имандылық пен ізгілікке шақырады.
Бұл даналықтың негізгі мәні:
Адамды құрметтеу: Әрбір адамның, тіпті бейтаныс жанның да бойында жақсылық, береке болуы мүмкін деп санап, оған сыйластықпен қарау.
Қыдыр атаны іздеу: Қазақ дүниетанымында Қыдыр ата адам бейнесінде келіп, ризық-несібе мен бата береді деп сенген, сондықтан кез келген адамды Қыдыр ата санап, жылы қабақ таныту керек.
Ізгілікке дайын болу: Әр сәтті бағалап, адамдарға жақсылық жасауға, Алланың разылығын табуға тырысу.
Имандылық пен тәрбие: Бұл ұстаным жүрегі жұмсақ, иманды, адамгершілігі жоғары адам болуға тәрбиелейді.
Қысқаша айтқанда, бұл сөз — адамдарға ізгілікпен қарау, әрбір адамның қадірін білу және кез келген жағдайда жақсылықтан үміт үзбеуге шақыратын рухани ұстаным.
материал «Жолға шық, жол саған көрінеді» кітабынан алынды,
ummet.kz
