29
Жұма,
Наурыз

һижри

Ер азаматтың аяғы құтты қалыңдық таңдауы

Ер азаматтың аяғы құтты қалыңдық таңдауы

Исламдағы отбасы
Жарнама

Босаға аттаған келіннің етегінен қарадомалақтың өруі хадистермен құпталған. Жар таңдаған ер азаматтың осы мәселеге де көңіл бөлуі қажет.

Бір кісі Алла елшісіне (с.ғ.с) келіп: «Уа, Алланың елшісі, мен бір текті, беделді, бай әйелді таптым. Бірақ құрсақ көтермейді. Оған үйленуіме бола ма?» − дегенде, Пайғамбарымыз (с.ғ.с) тыйым салады. Екінші рет келіп айтқанда, Пайғамбарымыз (с.ғ.с) тағы да қарсы болады. Үшінші рет және келіп сұрағанда: «Сендер өздеріңе ұнамды және бала туатын әйелдерге үйленіңдер, өйткені мен басқа үмбеттердің алдында сендердің көптіктеріңмен мақтанамын», – деген екен.

Тағы бір хадисте былай деп айтылған: «Әйелдеріңнің ең жақсысы – Алладан қорқатын, өздеріңе ұнамды, бала туатын, өздеріңе жайлы һәм жанашыр әйелдер. Ал ең жаманы – тәнін ашып жүретін, тәкаппар әйелдер». Хазірет Омар (р.а.) халифа кезінде жамағатқа айтқан құтпасында (уағыз) былай деген екен: «Пенде иманнан кейінгі кезекте көркем мінезді, өзі ұнататын және бала туатын әйелінен артық жақсылық көрген емес».

материал «Тағлым тамшылары» кітабынан алынды,

ummet.kz

Бөлісу: