Талдықорған: Төрт отбасы баспаналы болды

Талдықорған: Төрт отбасы баспаналы болды

Жаңалықтар
Жарнама

ҚМДБ «Зекет және қайырымдылық» қорының «Ел үлесі – пәтерге» жобасымен Жетісу жерінде 377, 378, 379 және 380-ші үйдің кілті табысталып, 4 отбасы қуанышқа кенелді.

Өткен жұма күні Талдықорған өңірінің бас имамы Ардақ Нүсіпханұлы Ақсу ауданында 2 үйдің, Көксу ауданында 1 үйдің және Талдықорған қаласында 1 үйдің кілті беріліп, баспанасыз жүрген жандардың көптен күткен қуанышқа қол жеткізетінін атап өткен-ді.

– Біздің өңірімізде «Ел үлесі – пәтерге» жобасымен 4 отбасы баспаналы болып отыр. Осы сәтті пайдаланып, баспананың қиындығын көріп отырған отбасының үйлі болуына үлес қосқан жандардың баршасына Алла разы болсын деймін. Көмек жасаған азаматтарға, олардың отбасыларына, мал-мүліктеріне Алла Тағала береке берсін. Бұл – жергілікті халықтың ықылас-пейілмен жинаған қаржысына алынған баспана. Көпшіліктің қасиетті Рамазан айындағы істеген игілікті істері деп біліңіздер, - деді бас имам Ардақ Нүсіпханұлы баспана кілтін табыстау рәсімінде.

Ерекше атап өтетіні, 380-баспана Талдықорған қаласының тұрғыны Асхат Иманғалиевке тосын сый ретінде берілді. Жұма намазына жиналған көпшіліктің алдында аты-жөні аталып, ортаға шақырылған азамат қуаныштан шыққан көз жасына ие бола алмады. Баспананы есімінің құпия болып қалуын сұраған азамат Асхат Берікжанұлының отбасына тарту етіпті.

f761696f-c8c1-4bac-8fb8-4233fcb5f340.jpg2dddf614-bf70-4f11-adde-3ee0789f1606.jpgFB_IMG_1620027410034.jpg

19d29222-7148-4e8c-a701-b803a26b3043_1.jpg

20faf319-4a08-402a-91dd-8ffd02ba613d.jpg

Бөлісу: