Атырау облыстық «Иманғали» мешіті, қала әкімдігі мен ҚМДБ «Зекет және қайырымдылық» қорының ұйытқы болуымен қасиетті Рамазан айында тағы бір баспана мұқтаж отбасыға табыс етілді.
Қасиетті айда баспаналы болған көпбалалы отбасы мүмкіндігі шектеулі баланы тәрбиелеп отыр.
«Қазақстан мұсылмандары діни басқармасының «Ел үлесі – пәтерге» жобасы аясында бұл жолы баспана көпбалалы Роман-Салтанат Алмағамбетовтердің отбасына табыс етілді. Республика бойынша 376-шы, Атырау облысы бойынша 22-ші баспана осылайш, қасиетті Рамазан айында тапсырылып отыр. Атырау қаласының әкімі Қайрат Оразбаевқа, демеушілерге Алла разы болсын» деді Атырау облысының бас имамы Алтынбек Ұтысханұлы.
Еске сала кетелік, бұған дейін Атырау облысы бойынша 21-ші баспана төрт бала тәрбиелеп отырған жалғызбасты Нұргүл Бердіғалиеваға табыс етілген болатын.
