«Нұр Астана» мешітінің ұжымы тағы бір білімді маман, білікті ұстазбен толықты. Бүгін қасиетті жұма намазында ҚМДБ Уағыз-насихат бөлімінің маманы Думан Нәдірұлы жамағатқа «Нұр Астана» мешітінің жаңа ұстазын тағайындап, таныстырды.
«Нұр Астана» мешітінің жаңа ұстазымен таныс болыңыздар:
Кулер Нуриддин Абдусамадұлы – 22.04.1986 жылы Түркия мемлекетінде дүниеге келген. 2000 жылы өз еліне оралып, 2001-2004 жылдары аралығында Шымкент қаласы «Дар-Аль-Арқам» Құран Кәрім жаттау орталығында 30 пара Құранды толық жаттап қари атанды.
2007-2011 жылдары Египет Араб республикасындағы «әл-Азхар» университетінің институтын тәмамдаған.
2011-2015 жылдары «Нұр-Мубарак» Египет Ислам мәдениеті университетінің Исламтану факультетін бітірген.
Еңбек жолы:
2014-2017 жылдары – Алматы қаласы, «Қалқаман-2» мешітінде азаншы,
2017-2018 жылдары – Алматы қаласы, «Ақсай» мешітінде ұстаз,
2018-2019 жылдары Алматы қаласы, «Таугүл-3» мешітінде ұстаз,
2019-2021 жылдары – Нұр-сұлтан қаласы, «Сәдуақас қажы Ғылмани» мешітінде ұстаздық қызметін атқарды.
Отбасылы, 4 баланың әкесі
ummet.kz
