Қазақстан мұсылмандары діни басқармасының төрағасы Наурызбай қажы Тағанұлы Алматы облысына барған сапарында орталық мешітте ұйымдастырылған «Жүрек жылуы» қайырымдылық іс-шарасына қатысты.
«Біз «қайырымдылық жасасаң, қайырын өзің көресің» деген аталы сөзді өмірлік ұстанымға айналдырған халықпыз. Қазақстан мұсылмандары діни басқармасы күнделікті жұмысында жеті бағытқа басымдық береді. Соның бірі – уақып және қайырымдылық бағыты. Біз қашан да өз мүмкіндіктеріміз аясында азаматтарымызға көмек беруге дайынбыз. Алла баршамызға жар болсын» деді Бас мүфти.
Айта кетсек, әлеуметтік маңызы бар азық-түлік салынған қорапшалар Қонаев қаласындағы 200 мұқтаж, науқас жандарға берілді.
Бөлісу:
