Қасиетті Рамазан айына арналған бас мүфтидің биылғы үндеуінде республика көлемінде қайырымдылық шараларын көптеп өткізу бастамасы айтылған еді. Осы игі бастама аясында «Нұр Астана» орталық мешітінде көп балалы отбасыларға көмек жасалды.

Рамазан айында мұсылман қауымының ынтымақ-бірлігі артып, қайырымдылық жасау үрдісі кеңінен таралады. Бұл айдың өзіне тән сауапты істерінің бірі – ауызашар дастарханын жайып, көпшілікті тамақтандыру, ауызы берік жанға ас беру.

Бүгін Қазақстан мұсылмандары діни басқармасының Астанадағы өкілдігінің ұйымдастыруымен «Кел, балалар, оқылық!» атты білім сайысы өтті.

Кеше «Астана» медресесі түлектерінің бітіру кеші өтті. Салтанатты шараға ҚМДБ наиб мүфтиі, «Нұр Астана» орталық мешітінің бас имамы Наурызбай қажы Тағанұлы, ҚМДБ Аппарат жетекшісі Ғилымбек Мәжиев, «Астана» медресесі директоры Бекзат Ақжігітов, ҚМДБ Ғұламалар кеңесінің мүшесі, белгілі исламтанушы Ерсін Әміре, «Нұр Астана» орталық мешітінің наиб имамы Қабылбек Әліпбайұлы және медресе ұстаздары қатысып, түлектерге ізгі лебіздерін арнады.

Бүгін елорда іргесіндегі «Әлжан ана» мешітінде тұңғыш рет Астана имамдарының Әдістемелік кеңесінің отырысы өтті. Астана қаласы мешіттерінің Әдістемелік кеңесі Қазақстан мұсылмандары діни басқармасының басты бағыттарының бірі – деструктивті ағымдармен күрес жүргізу саласындағы жергілікті ақпараттық-насихат тобы (ЖАНТ) жұмысына қолайлылық тудырып, тиімді тәсілдер ұсынатын әрі әдістемелік қолдау көрсететін қалалық алқалы орган болып табылады.

Қасиетті Рамазан айында Астана аумағында қайырымдылық шаралары көптеп ұйымдастырылады. Оразадағы оңды істердің бірі – әртүрлі әлеуметтік ортада ауызашарлар жасау. Бас мүфти Ержан қажы Малғажыұлы Рамазан айына арнаған өзінің дәстүрлі үндеуінде игілікті істерді ұдайы өткізуге шақырған болатын.

Рамазан – мұсылман қауымының қуанышпен қарсы алып, сағынышыпен шығарып салар қасиетті айы. Бұл айда адамдар бір-бірін ауызашарға шақырып, көмекке мұқтаж жандарға қарайласып, қайырымдылық жасауға ұмтылып, сауапты істерге ұйытқы болады.

Бүгін «Нұр Астана» орталық мешітінде жазғы сауат ашу курсында тәлім алған бүлдіршіндер арасында сурет салу байқауы өтті. «Менің сүйікті мешітім» атты игі шарада 112 шәкірт бағы мен бабын сынады.

Рамазан өзіне тән тағат-ғибадаттарымен, талап-шарттарымен ерекшеленеді. Қасиетті айда отыз күн бойы атқарылатын осындай құлшылықтың бірі – тарауих намазы. Соңғы жылдары Астана мешіттерінде осы айда ғибадатқа көбірек көңіл бөліп, құптан намазынан соң орындалатын тарауихқа келушілер қатары мол.