01
Сәрсенбі,
Сәуір

һижри

Еңбекқорлық – мұсылман сипаты (ФОТО)

Еңбекқорлық – мұсылман сипаты (ФОТО)

Мешіт тынысы
Жарнама

31 қаңтар. Нұр-Сұлтан. Ummet.kz – Қасиетті жұма күнінде «Нұр Астана» мешітіне арнайы келген ҚМДБ Насихат және қоғаммен байланыс бөлімінің меңгерушісі Батыржан Мансұров «Еңбегімен ер сыйлы» тақырыбанда уағыз жүргізді, деп хабарлайды ummet.kz тілшісі.

Әрдайым рухани әрі әлеуметтік тұрғыдан өсуге, өнуге, дамуға үгіттейтін Ислам діні барша мұсылманды адал еңбегімен күнелтуге баулиды. Қоғамды бір дене ретінде елестетсек, өзін-өзі қамтамасыз ете алмай, жалқаулыққа салынып, басқаға масыл болуды көздеген адам сол дененің ауру немесе сал мүшесі іспетті. Яғни оның әрекетсіздігі дененің басқа мүшелеріне де кері әсерін тигізбей тұрмайды.

ҚМДБ «Жеті рухани қазық» тұғырнамасында мұсылманның тұлабойында табылуы тиіс негізгі жеті көркем сипат жайында сөз қозғаған Батыржан Мансұров соның ішінде еңбекқорлық қасиетін кеңінен тарқатты.

«Алла Тағала қасиетті кітабында: «Адамзат тек еңбегіне қарай табысқа жетеді. Сөз жоқ, еңбегінің нәтижесін жедел көреді. Соңыра оған еткен еңбегінің бодауы толық беріледі. Күдіксіз соңғы баратын жерің Раббың», - дейді. Яғни бұл өмірде адамзат адалдық жолында ерен еңбек етуімен үлкен табысқа қол жеткізіп, Алла Тағаланың берген нығметіне бөленетінін атап көрсетуде. Сондай-ақ, әрбір еңбектің адал, дұрыс болуына мән беруге шақырып, соңғы барар жеріміз Раббымыздың құзыры деп ескертуде. Сонымен бірге, Пaйғaмбaрымыз (Оған Алланың салауаты мен сәлемі болсын) хaдисте мaңдaй термен тaпқaн дүниенің тек aдaл жолмен келу керек екендігін түсіндірген. Сондa ғaнa еңбекпен тaпқaн тaбыс тәтті және дәмді болaды. Мaңдaй термен тaпқaн тaбыстың дәмді болуының бірнеше себептері бар:

1. Жaсaғaн еңбегінің тaбысын, пайдасын aлдымен иесі көреді, сондай-ақ өзгелерге де пайдасы тиеді.

2. Біреуден қол жaйып сұрaмaйды. Еңбек етуге тырысады.

3. Өмірдің мәнін кетіретін жұмыссыздықтaн, жалқаулықтан құтылaды.

4. Аллaның берген ризық-несібесіне шүкір етіп, бaсқaлaрғa сөзі өтімді болaды», - деп, адал еңбек пен іскерліктің маңызы жайында жиналған қауымға тұщымды насихат айтты.

2

2

2

2

2

2

2

2

 

Бөлісу: