«Әбу Насыр әл-Фараби» мешітінде Мәуліт меркесінің құрметіне орай жамағатқа ас берілді.
Мешімізге жиылған жамағатқа құптан намазынан кейін дастархан жайылып, Мәуліт мерекесінің тарихы мен ардақты Пайғамбарымыздың (с.ғ.с) өнегелі өмір жолы айтылды.
Бас имам Нұрлан Рамазанов жамағатты Мәуліт мерекесімен құттықтап, Алла Елшісінің (с.ғ.с) мұсылманға қалдырған аманаты мен баршамызға үлгілі ғұмырынан әсерлі оқиғаларды баяндады. Екі дүние сардарының әрбір әрекеті мен сөзінен рухани нәр алып, пайғамбарымызды (с.ғ.с) шынайы жақсы көрудің қаншалықты маңызды екендігі де көркем түрде жеткізілді.
Мешітіміздің ұстаз, қарилары – Нуриддин Абдусамадұлы және Мұрат Рысбаев арнайы Мәуліт жырын оқыды. Ас соңыңда бас имам Нұрлан Рамазанов еліміздің тыныштығы мен халқымыздың амандығы, береке-бірлігі үшін жамағатпен бірге дұға жасады.
ummet.kz
