Бүгін «Әбу Насыр әл-Фараби» мешітінде «Құран – ілімдердің ізгісі» рухани Құран кеші, Құранға түскен шәкірттерге сертификат табыстау рәсімі өтті.
Шараның мақсаты – «Әбу Насыр әл-Фараби» мешітінің діни сауат ашу сабақтарына алғаш аяқ басып, Алла Тағаланың мейірімінен үміт етіп, Құран Кәрімді оқып үйренсем, діни білімімді арттырсам деген ниетпен келген шәкірттердің одан әрі білімін шыңдау. Шара барысында Құранды мүдірмей оқитын дәрежеге жеткен шәкірттерге лайықты құрмет көрсетіліп, марапатталды.
Мешіттің діни сауат ашу курсына қатысып жүрген 270 шәкірттің ішінен 170 шәкірт, оның ішінде 80 жас бүлдіршіндер және 90 ересек шәкірттер толығымен Құранға түсті.
Ізгі шараға арнайы келген Астана қаласының және республикалық «Әзірет Сұлтан» мешітінің бас имамы Ерболат Нұрылдаұлы Жүсіпов Құранның мұсылман өміріндегі маңызы туралы көркем насихат айтып, шәкірттерге сертификат табыстады.
Құранға түскен 170 шәкірт арнайы сертификаттармен марапатталып, барлық шәкіртке Құран Кәрім кітабы мен естелік сыйлықтар табыс етілді.
ummet.kz
