«Әбу Насыр әл-Фараби» мешітінде мың айдан қасиетті Қадір түніне арнайы бағдарлама жасалған болатын. Биыл да қасиетті Қадір түніне жиналған жамағаттың қарасы көп болып, мешіт іші мен ауласына лық толды.
Алла Тағаланың разылығынан үміт еткен жамағатты мешіт ұжымы үлкен ықыласпен қарсы алды. Мешіттің әйелдер жамағатына мешіт ұжымы атынан ерекше үлгідегі сый-сияпат үлестірілді. Электронды таспихтар мен құрма және Қадір түнінде айтылатын арнайы дұғалар жинағы табыс етілді.
Мұндағы мақсат – Алла Тағаладан үміт етіп келген әрбір жанның алаңсыз құлшылық жасауына жағдай жасау болатын. Мешіттің әшекейі – жамағат екенін басты назарда ұстайтын, әрдайым жамағатына қуаныш сыйлауға асығатын мешіт ұжымына ақсақалды аталар мен ақ жаулықты әжелер апалар батасын беріп, ризашылықтарын білдірді.
ummet.kz
