"Нұр Астана" мешітінің ұжымы жалпықалалық сенбілікке қатысты

Хазреті Пайғамбар (с.ғ.с) : «Тазалық – иманның жартысы» деген, сондай-ақ тағы бір хадисінде «Алла – таза, тазалықты сүйеді» деп айтқан. Әсіресе, ғибадат орнын лас нәрселерден таза ұстау – әр мұсылманға міндет.

Жалпықалалық сенбілікке атсалысқан «Нұр Астана» орталық мешітінің қызметкерлері мен жамағаты, Астана медресесінің шәкірттері мешіт айналасын,  оның аумағындағы саябақты ретке келтірді. Қоқыстарды жинап, жер жыртып, қопсыту арқылы арамшөптерден тазалады. Ал, әйелдер жамағаты мешіттің ішін жиыстырды. Шаң сүртіп, есік-терезелерді жуып, күндегісін күнде жайнап тұратын мешітті одан сайын мұнтаздай етті.

ummet.kz