Әз Наурызда арулар игі іспен жарысты (ФОТО)

23 наурыз. АСТАНА. Ummet.kz Бүгін ҚМДБ-ның Насихат және қоғаммен байланыс бөлімі «әйел-қыздар» секторы және «Нұр Астана» орталық мешітінің «Жібек» қыз-келіншектер клубының мүшелері ұлыстың ұлы күніне арнайы қайырымдылық жәрмеңкесін өткізді.

Жұма күніне сәйкестендірілген жәрмеңкеде клуб мүшелері өз қолдарынан дайындалған тәтті тағамдарды сатты. Мешіт жанындағы Наурыз мерекесіне жиналған қауым күннің суығына қарамастан сауапты іспен жарысқан қыз-келіншектердің саудасын жүргізіп, алғысын білдіріп жатты. 

Айта кетейік, бұған дейін 1 наурыз – Алғыс күнінде ұйымдастырылған жәрмеңкеден түскен 140 000 теңге қаражат 14 көп балалы аналар мен жағдайы төмен отбасыларға жұмсалды.

«Нұр Астана» орталық мешітінің баспасөз қызметі