29
Жұма,
Наурыз

һижри

Бас мүфти түлектерге диплом табыстады (ФОТО)

Бас мүфти түлектерге диплом табыстады (ФОТО)

Мешіт тынысы
Жарнама

13 маусым. Нұр-Сұлтан. Ummet.kz Бас мүфти Серікбай қажы Ораз «Астана» медресе-колледжін бітіруші түлектерге диплом табыстау рәсіміне қатысты, деп хабарлайды ummet.kz тілшісі.

Тәуелсіздік пен елімізде қалыптасқан тыныштықтың арқасында діни оқу ордаларының әлеуеті мен білім сапасы жыл сайын артып келеді. Естеріңізде болса, Ораза айт күні Президент Қасым-Жомарт Тоқаев «Астана» медресе-колледжіне арнайы ат басын бұрып, оқу бағдарламалары мен  медресе жұмысына дән ризашылығын білдірген еді. Бұның өзі елімізде азаматтардың діни еркіндіктері мен бостандықтарының аса жоғары құрметтелетіндігінің белгісі.

Бүгін «Нұр Астана» мешітінде аталған медресенің бітіруші түлектеріне диплом табыстау рәсімі өтті.

Салтанатты шараға Қазақстан мұсылмандары діни басқармасының Төрағасы, Бас мүфти Серікбай қажы Ораз, ҚМДБ-ның Төраға орынбасары, І наиб мүфти, Нұр-Сұлтан қаласы бойынша өкілі, Республикалық «Әзірет Сұлтан» мешітінің Бас имамы Наурызбай қажы Тағанұлы, ҚМДБ-ның Халықаралық қатынас және хаттама бөлімінің меңгерушісі Оңғаров Ершат Ағыбайұлы, Бас мүфтидің кеңесшісі Айбаек Аташев, «Нұр Астана» мешітінің Бас имамы Мұқанов Асқар Әбітайұлы, «Астана» медресе-колледжінің директоры Ибрагим Сматаев және медресе ұстаздары мен мешіт ақсақалдары қатысты.

Әуелі, қасиетті Құран аяттары оқылып, Бас мүфти бітіруші түлектерге ақ батасын берді.

Құттықтау сөз сөйлеген Бас мүфти шәкірттерге білімнің маңызы және еліміздегі діни ахуал жайында сөз қозғап, елге тұтқа болатын, білікті маман болуға шақырды. 

«Бүгінгі таңда азаматтардың діни білімнің іргетасы өз елімізде қалануы керек. Сонда ғана азаматтарымыз басқа бағыттардың, басқа мәдениеттердің, басқа ағымдардың жетегінде кетпейді. Болмысында сақталған дәстүрлі құндылықтарға құрметпен қарайды. Бұндай білім алу үшін елімізде барлық мүмкіндік жасалған. Ислам діні өркениеттің, ғылым мен үдерістің озық түрлеріне тоқтау салып, жасанды түрде тежеуші болатын дін емес. Қайта өркениетті алға сүйрейтін, ғылым мен дамудың діні. Осыны іс жүзінде көрсетулеріңіз керек. Сонымен бірге, қоғамшыл, көпшіл болуымыз керек. Қарақан басының қамын ойлаумен адам баласы ұзаққа бармайды, биік белестерді бағындыра алмайды. Әсіресе, дін саласында жүрген азаматтар басқа отандастарымызға үлгі болатын, көптің қамын ойлайын азаматтардан болуы тиіс», - деді Бас мүфти.

Қазіргі таңда «Астана» медресе-колледжінің қазақ тобында 70, орыс тобында 37, жалпы 107 шәкірт тәлім алып жатыр. Олар еліміздің түкпір-түкпірінен келген азаматтар. Айталық, Түркістан облысынан 25, Шымкент қаласынан 7, Қызылорда қаласынан 10, Орал қаласынан 13, Ақтөбе қаласынан 4, Шығыс Қазақстан облысынан 8, Қарағанды қаласынан 13, Павлодар қаласынан 3, Атырау қаласынан 3, Талдықорған қаласынан 2 бала білім нәрімен сусындауда. Оқу орыны биыл түлектердің 9-легін аттандырып отыр.

Осыған орай, Бас мүфти Серікбай қажы Сатыбалдыұлы медресе жұмысының алға басуы үшін аянбай жұмыс жасаған ұстаздар мен қызметкерлерге алғыс хат және сыйақы табыс етті. Сонымен бірге медресе түлектеріне де диплом табыстады.

Іс-шара аясында ҚМДБ-ның Төраға орынбасары, І наиб мүфти Наурызбай қажы Тағанұлы медресенің тыныс-тіршілігіне әрдайым көңіл бөліп, жіті назарда ұстап келе жатқан Бас мүфтиге, сапалы білім беру жолында еңбек етіп келе жатқан медресе ұжымына, сондай-ақ медресе қызметкерлеіне берілген сыйақыға демеушілік жасаған Қазақстан мұсылмандар діни басқармасының Республикалық «Зекет» қоры мен демеуші азматтарға алғыс білдіріп, түлектерді бүгінгі дипломдарымен құттықтады.

Осыған дейін медреседен 258 түлек бітірсе, биыл медреседен 25 шәкірт оқуын тамамдаса, олардың 7-еуі білім бағдарламасын қызыл дипломмен бітірген. Бітіруші түлектердің ішінде бір шәкірт Құран Кәрімді толық жаттап қари атанып отыр.

Салтанатты шараның соңында мешіт ақсақалы дұға жасап, түлектерге алдағы қызметтеріне, өмір жолына бақ-береке, сәттілік тіледі.

Керекті фотолардың сайтымыздың «ФОТОГАЛЕРЕЯ» айдарынан жүктеп ала аласыздар.

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

Бөлісу: