22 мамыр. Нұр-Сұлтан. Ummet.kz – 24 мамыр күні еліміз бойынша Ораза айт мерекесі басталады, деп хабарлайды ҚМДБ баспасөз қызметіне сілтеме жасаған ummet.kz тілшісі.
Мұсылмандардың ұлық мерекесі Ораза айттың құрметіне Нұр-Сұлтан қаласы әкімдігінің қолдауымен елорда көшелеріне мерекемен құттықтаған арнайы баннерлер қойылды.
«Ораза айт қабыл болсын!» деп жазылған республикалық «Әзірет Сұлтан» және елорданың «Нұр-Астана» мешіттері бейнеленген мұндай құттықтау баннерлерді қаламыздың барлық бұрышынан кездестіруге болады. Бұл да болса елорда тұрғындарының еңсесін көтеріп, мерекелік көңіл-күй сыйлайтын ерекше қадам болды.
Келе жатқан Ораза айт мерекесі құтты болсын!
Бөлісу:
