4 желтоқсан. АСТАНА. Ummet.kz – Діни-танымдық «Иман» журналына 2019 жылға жазылу науқаны жүріп жатыр, деп хабарлайды ummet.kz тілшісі.
Қазақстан мұсылмандары діни басқармасының бірден-бір төл басылымы, ай сайын шығатын түрлі-түсті «Иман» журналына жылдық жазылу бағасы 3000 теңге.
18 жыл бойы теңгенің бірнеше рет құнсызданғанына қарамастан бір бағамен сатылып келген журнал биыл бірінші рет қымбаттап отыр. Дегенмен, ұрпағының рухани азықпен сусындағанын қалайтын, дінімізді дұрыс әрі сенімді ақпарат көзінен үйренгісі келетін қалың оқырман мұны түсіністікпен қабылдап, жылдағы үрдіс бойынша журналға қолдау көрсетеді деп сенеміз.
Журналға «Казпоштаның» кез-келген бөлімшесі арқылы 75998 индексімен жазыла аласыздар.
Сондай-ақ, қалаңыздағы барлық мешіттер арқылы жазылуға болады.
