28
Бейсенбі,
Наурыз

һижри

Жарылыста адасқан балалар Шымкенттегі мешітке әкелініп жатыр

Жарылыста адасқан балалар Шымкенттегі мешітке әкелініп жатыр

Ел іші
Жарнама

24 маусым. Нұр-Сұлтан. Ummet.kz – Арыс қаласындағы бүгінгі болған жарылыс кезінде жаппай үдере көшкен халықтың бір бөлігі Шымкент қаласындағы орталық мешітке («Бекжан» базары маңындағы «Ақмешіт») келіп орналасуда, деп хабарлайды kazislam.kz сайтына сілтеме жасаған ummet.kz тілшісі.

Шымкент қаласы орталық мешіттің бас имамының орынбасары Мұхаммеджан Естеміровтың айтуынша, қазірге дейін келіп орналасқандардың саны шамамен 500-ден асқан. Сонымен қатар, ата-анасынан адасып қалған, балабақшадан, лагерьлерден әкелінген балалардың саны 200-ге жуық дейді ол.

«Мүмкін болғанша ата-аналарына хабарласып, телефон арқылы ақпарат таратып жатырмыз. Балалар, әсіресе, балабақша жасындағы балалар көп. Қазір мешіттің жанындағы медресенің жатақханасын босатып, сонда орналастырып жатырмыз. Барынша көмек беруге тырысып бағудамыз. Қала халқына рахмет, сумен, азық-түлікпен көмектесіп жатыр», дейді орталық мешіттің бас имамының орынбасары.

Бөлісу: