Қазақстан мұсылмандары діни басқармасының ұйымдастыруымен Астанадағы Республикалық бас мешітте өткен ауызашар рухани кешінде Бас мүфти Наурызбай қажы Тағанұлы елорда тұрғынына «Ел үлесі – пәтерге» қайырымдылық акциясының 818-баспанасын табыстады.
Бас мүфти ҚМДБ «Зекет және қайырымдылық» қорының ұйытқы болуымен пәтер кілтін екі баланы тәрбиелеп отырған жалғызбасты анаға табыстап, шаңырағына құт-береке тіледі.
Сондай-ақ кеш барысында ауызашар қонақтарына Рамазан сыйлығы табыс етіліп, қарттар үйінен келген қариялар мен балалар үйінің тәрбиеленушілеріне арнайы сый-сияпат жасалды.
