2016-2017 жылдың Ұмра қажылығы маусымынан бері (2016 жылдың қараша айынан) Сауд Арабиясы корольдігіне 1 444 765 мұсылман кіші қажылық өтеуге келген. Бұл жайында Saudi Gazette хабарлады.
Қажылардың басым бөлігі – 1 млн 350 мың адам әуе көліктерімен, 90 мыңға жуық адам жер үсті көліктерімен, 3921 адам теңіз жолдары арқылы келген.
Ұмра қажылығын өтегендердің 30 %-ын пәкістандық мұсылмандар құрайды, екінші орында индонезиялықтар (17,91 %), онан соң үндістер (11,81%) мен малайзиялық мұсылмандар (8,21%).
Үлкен және кіші қажылық бойынша министрлік басшысының орынбасары Мохаммед Абдуррахман әл-Бижави қажылық маусымы басталған уақыттан бері қажылық қызметін көрсетуші мемлекеттік және жеке мекемелердің тиісті талап-шарттарды орындау деңгейіне тексерістер жүргізілгенен атап өтті.
ummet.kz-ақпарат
