Әбу Бәкір (р.а) былай деген екен:
«Алла Тағалаға құлшылық қылушылар үш түрге бөлінеді:
Біріншілері – Алла Тағаладан қорқып құлшылық етеді.
Екіншілері – рахымынан үміт етіп ғибадат қылады.
Үшіншілері – Алла Тағалаға деген махаббатпен ғибадат етеді.
Біріншілерінің үш сипаты бар: өзін-өзі төмен санайды, жақсылығын аз деп есептейді, жамандықтарын көп деп ойлайды.
Екіншілерінің де үш белгісі бар: әрбір жағдайларында адамдарға үлгі болады, дүниеде малмен жомарттық жасауда адамдардың бәрінің алдында болады, халайықтың ішіндегі Алла Тағала туралы ең жақсы ойлайтыны болады.
Үшіншінің де үш сипаты бар: Алла Тағаланың разылығы үшін ештеңеге мән бермей, өзінің ең жақсы көретін нәрсесін садақаға береді, Алла Тағаланың разылығынан соң өзін-өзі қатты сынайды, барлық істерінде, жақсылыққа бұйыруы мен жамандықтан тыюында өзінің Иесімен бірге болады».
материал «Қайтар күнге дайындық» кітабынан алынды,
ummet.kz
