С: Жолаушы дегеніміз кімдер?
Ж: Орта жүріспен үш күнде жететін бір мекенге баруды ниет етіп шыққан кісі.
С: Жолға шыққанда қай жерден бастап жолаушы болып есептеледі?
Ж: Өзі шыққан мекен көрінбей қалғаннан бастап жолаушы болып саналады.
С: Ол кісі қанша уақыт жолаушы болып есептеледі?
Ж: Басқа жерде он бес күнге дейін болуды ниет етіп сапарға шыққан кісі жолаушы саналады.
С: Жолаушы болу үшін кемінде қанша шақырымға баруды ниет ету қажет?
Ж: Кемінде тоқсан шақырымға.
С: Орта жүріспен үш күнде жететін жерге көлікпен бір күнде жетсе, жолаушы болады ма?
Ж: Жолаушы болады.
С: Бір жерге жеткесін он бес күннен артық болатынын білсе, жолаушы болып саналады ма?
Ж: Жоқ, жолаушы болып саналмайды.
С: Бір жерге жолаушы болып барғаннан соң, он бес күн тұруды ниет етпесе, бірақ, бірнеше күннен немесе он төрт күннен соң, сол жерден кетпекші болса, тұрған жерінде жолаушы болады ма, тұрғын болады ма?
Ж: Жолаушы болады.
С: Алғашында ол жерде он бес күннен артық болуға ниет етпей, бірақ, жұмыстары бітпей, 15 күннен артық қалып қойса, тұрғын болады ма, әлде жолаушы болады ма?
Ж: Жолаушы бола береді.
С: Жолаушы болып жүріп, кейін он бес күннен артық тұруды ниет етсе, жолаушылықтан шығады ма?
Ж: Әлбетте, шығады.
С: Алдымен он бес күннен артық тұруды ниет етіп, тұрғын үкімінде болса, бірнеше күннен кейін он бес күнге жетпей өз жеріне қайтса немесе басқа жаққа шықса, тұрғын болады ма, әлде жолаушы болады ма?
Ж: Тұрғын болады.
С: Алдымен он бес күннен артық тұруды ниет етіп, біраз күннен кейін, он бес күнге толмай кетпек болса, тұрғын болады ма, жолаушы болады ма?
Ж: Жолаушы болады.
С: Бір кісінің екі жерде үйі болса (арасы 90 шақырымнан кем емес), бір үйден екінші үйге жеткенше жолаушы болады ма?
Ж: Жолда жолаушы болады. Үйлерінде тұрғын болады.
С: Жолаушы кісіге қандай жеңілдіктер бар?
Ж: Жолаушы кісіге мәсі немесе етікке үш күнге дейін мәсіх тартуға, қиын болған жағдайда, намаздың сүннеттерін тәрк етуге, Рамазан айының оразасын ұстамай, кейінге қалдыруға болады.
С: Төрт ракағат намазда жолаушы кісі тұрғын кісіге имам бола алады ма?
Ж: Бола алады.
С: Бұл жағдайда намаз неше ракағат етіп оқылады?
Ж: Жолаушы екі ракағат оқып, сәлем беріп, намазын аяқтайды, ұйыған кісілер қалған екі ракағатты оқып, толық аяқтайды.
С: Төрт ракағат намазда жолаушы кісінің жергілікті кісіге ұюы дұрыс болады ма?
Ж: Өз уақытындығы намазды бірге оқиды. Алайда қаза намазы болса, жеке оқиды.
С: Бұл жағдайда жолаушы неше ракағат оқиды?
Ж: Имамға ұйып намазды толық оқиды.
С: Жолаушы кісі төрт ракағат намазды қысқартпай толық оқыса бола ма?
Ж: Намазы дұрыс болады, бірақ қысқартпай, төрт ракағат етіп оқығаны үшін күнәһар болады.
материал «Ғибадат исламия» кітабынан алынды,
ummet.kz
