Тыйым салынбаған істің қайсысын таңдауын білмеген адам екі бас нәпіл намаз оқып, сосын Аллаға жалбарынып мына дұғаны оқиды:
«Аллаһуммә инни әстәхирукә би-ъилмикә, уә әстәқдирукә биқудратикә, уә әс-әлукә мин фәдликәл-ъазыйм. Фә-иннәкә тәқдиру уә лә әқдиру уә тәъләму уә лә әъләму, уә әнтә ъәлләмул-ғуйуб. Аллаһуммә ин кунтә тәъләму әннә һәзәл-әмра (қажетін айтады) хайрун ли фи дини уә мәъаши уә ъақибәти әмри: (ъажилиһи уә әжилиһи) фәқдурһу ли уә йәссирһу ли суммә бәрик ли фиһи, уә ин кунтә тәъләму әннә һәзәл-әмра (қажетін айтады) шәррун ли фи дини уә мәъаши уә ъақибәти әмри: (ъажилиһи уә әжилиһи) фәсрифһу ъанни, уәсрифни ъанһу уәқдур лиәл-хайра хайсу кәнә суммә ардыйни биһ».
Мағынасы: «Уа, Алла! Маған іліміңмен игілік бергейсің, құдіретіңмен мені қуатты еткейсің, кеңпейіліңмен мені қуанышты еткейсің. Расында Сен барлық нәрсеге құдіреттісің, менің күшқұдіретім (түкке) жетпейді. Мен (ешнәрсені) білмеймін, ал Сен барлық нәрсені білесің. Сондай-ақ Сен көместерді де толық Білушісің. Уа, Алла! Егер бұл іс (өз қажетін айтады) дінімде, тіршілігімде, істерімнің соңында (немесе: «қазіргі өмір тіршілігімде немесе келешекте», – дейді) мен үшін қайырлы болса, оны маған нәсіп ете гөр! Әрі (ол істі) маған оңтайлы етіп, кейін оны мен үшін берекелі ет! Ал егер бұл істің дінім, тіршілігім, істерімнің соңында (немесе: «қазіргі өмір тіршілігімде немесе келешекте», – дейді) мен үшін жаман болса, оны менен алыстата гөр! Әрі мені де одан аулақ ет! Қай жерде болса да мен үшін жақсылықты нәсіп ет те, мені сол жақсылықпен разы ете гөр!» (әл-Бұхари).
материал «Зікірлер» кітабынан алынды,
ummet.kz
