«Төлебай» мешітінде «Мектепке жол» акциясы өтті

«Мектепке жол» қайырымдылық акциясының ашылуында Осы ҚМДБ Астана қаласы өкілдігі атынан «Нұр Астана» орталық мешітінің наиб имамы Марат Бектазинов мектеп оқушылары мен ата-аналарын келе жатқан Білім күнімен құттықтап, оқушыларға мектепке керекті заттарды табыс етті.

Сондай-ақ, «Төлебай» мешітінің бас имамы Асхат Сапашұлы оқушыларды сабақты жақсы оқуға шақырып, оларға мектеп сөмкесі  мен қажетті құрал-жабдықтарды тапсырды. "Мектепке жол" акциясы аясында бас-аяғы 80 оқушыға көмек көрсетілді. 

Жиын соңында мешіт жамағатының Серік есімді құрметті ақсақалы «Төлебай» мешітінде өткен игі іске ризашылығын білдіріп, оқушыларға ақ батасын берді.

ummet.kz