11 қыркүйек. АСТАНА. Ummet.kz – Египет Араб Республикасының астанасы Каир шаһарында Нұр Мүбəрак университетін жан-жақты дамытуға арналған алқалы жиын өтті, деп хабарлайды muftyat.kz сайтына сілтеме жасаған ummet.kz тілшісі.
Басқосуға Қазақстан тарапынан Қоғамдық даму министрі Дархан Кəлетаев, Бас мүфти Серікбай қажы Ораз қатысты.
Екі ел арасында қол қойылған халықаралық шарттардың негізінде Қамқоршылар кеңесінің бірауыздан шешімімен доктор Мұхаммед Шахат әл-Жинди Нұр Мүбəрак университетінің ректоры болып тағайындалды. Тағайындау туралы шешімді оқып берген ЕАР Уақыфтар министрі Мұхаммед Мұхтар Жұма жаңа басшының жұмысына сәттілік тілеп, Қазақстан мен Мысыр арасындағы достық, бауырластық қарым-қатынасты нығайта түсуге үлкен үлес қосуға сенім білдірді.
