28
Дүйсенбі,
Қыркүйек

һижри

Тікелей эфир арқылы жұма намазын оқуға бола ма?

Тікелей эфир арқылы жұма намазын оқуға бола ма?

Сұрақ-Жауап

Сұрақ: Соңғы уақытта жаман індеттің тез таралуына байланысты мешіттерімізде жұма, жамағат намаздары тоқтатылды. Мұндай шешімді Қазақстан ғана емес, Түркия, Сауд Арабиясы, Өзбекстан, Қырғызстан, Кувейт, Мысыр сынды әлемнің көптеген мұсылман мемлекеттері қабылдады. Осы жағдайға байланысты жамағат тарапынан жұма намазын тікелей эфир арқылы имамға ұйып оқуға бола ма деген сұрақтар туындауда.

Жауап: Жалпы тікелей эфир арқылы жұма, жамағат намаздарын үйде отырып соған ұйып оқуға келер болсақ, ілім иелері жұма намазы да, жамағат намазы да бұл жолмен оқылса дұрыс емес екендігін баяндаған.

Егер кімде-кім бұл жолмен намаз оқыған болса, ол намаздарды қайта оқуы керек болады. Өйткені бұл жерде жұманың шарттары толық орындалып тұрған жоқ.

Сондай-ақ көпшілік ғалымдар ұйюшы адамдар имамның алдына шығып кетпеуі керек және имам мен ұйюшы бір жерде болуы керек деп шарт қойған. Оған қоса имам мен ұйюшының арасын жол, өзен бөліп тұрса да ұйюшы адамның намазы дұрыс болмайды. Сондықтан жұма күні жұманың орнына төрт ракағат бесін намазы оқылады.

Хасан АМАНҚҰЛ,

Шариғат және пәтуа бөлімі меңгерушісінің орынбасары.

Бөлісу: