Ислам – бейбітшілік пен мейірім тұнған дін. «Өзіңе қалағанды өзгеге де тіле» қағидасына берік мұсылман үмметі пайғамбар өсиетін қай заманда да жадында ұстайды. Ел ішінде, әлеуметтің ортасында орын алатын жайларға дін қызметкерлері қашанда үн қосып, елмен бірге жасасып келеді.

Бүгін Елорда төрінде ҚМДБ-ның Астанадағы өкілдігі «Нұр Астана» орталық мешітінің ұйытқы болуымен қолға алынған «Нұрлы мінбер-2015» имамдар байқауының шешуші кезеңі өтті. Діни басқарма жариялаған «Дін мен дәстүр» жылы аясында өткізіліп отырған шара Қазақ хандығының 550 жылдығына орай ұйымдастырылып, имамдар екі кезең бойынша сынға түсті.

Бүгін, «Нұр Астана» орталық мешітінің Бас имамы Наурызбай қажы Тағанұлы мемлекеттік конфессияаралық қатынастарды нығайтуға, Елорда мәдениетінің дамуына, халық арасында дін мен дәстүрді насихаттауға арналған ауқымды рухани-ағартушылық шаралардың ұйымдастырылуына қосқан үлесі үшін  Астана қаласының әкімі Әділбек Жақсыбековтің Алғыс хатымен марапаттады. 

Баршаларыңызға мәлім, порталымызда «Нұрлы мінбер-2015» имамдар байқауының алғашқы кезеңі бойынша қатысушы имамдардың жұма уағыздарына дауыс беру жүріп жатыр. 12 сәуір күні кешкілік сағат 23:00-мен 00:00 аралығында сайтымыз істен шығып қалды. Мән-жайын білмекке интернет сайттарына қызмет көрсету орталығына (Хостер орталығы) хабарластық.

«Нұр Астана» орталық мешітінің әйелдер жамағатына «Шайтанның азғыру жолдары» тақырыбында уағыз жүргізілді. Шариғат шеңберінде уағыз айтқан наиб имам Төлеби Оспан адамзат жаратылысы мен шайтанның бұл дүниедегі кесір-кесапаты туралы кеңінен баяндады.

Қазақстан мұсылмандары діни басқармасы алға қойған басты бағыттардың маңызды бөлігі – уағыз-насихат жұмыстарын жандандыру. Халықтың діни сауаттылық деңгейін көтеру өз ата-таным, салт-санамыз бен дәстүрімізді берік сақтап қалуымызға зор мүмкіндік береді. Осы үдеден шығуды діттеген уағызды ҚМДБ-ның Астанадағы өкілдігі «Нұр Астана» мешітінде шам намазынан соң наиб имам Төлеби Оспан жүргізді. «Құмар ойындар» тақырыбында өрбіген уағыз барысында наиб имам құмар ойындардың адам баласын құрдымға жіберер дерт екендігі турасында шариғат шеңберінде баяндады.

Бүгін Елорданың айшықты құлшылық үйі «Әзірет Сұлтан» мешіті конференц-залында имамдардың біліктілігін арттыру семинары өтті. «Форум жүктеген міндеттер – дін қызметін жетілдірудің алғышарты» атауымен өткен жиынға Қазақстан мұсылмандары діни басқармасының аппарат басшысы Ғылымбек Мәжиев, Уағыз-насихат бөлімінің меңгерушісі Ершат Оңғаров, Жалпы және жастар бөлімінің меңгерушісі Алтынбек Ұтысхан және ҚМДБ-ның Астанадағы өкіл имамы Наурызбай қажы Тағанұлы қатысты.

Ислам – Алла тарапынан түсірілген соңғы һәм саф сенім. Ардақты елші Мұхаммед (с.ғ.с.) пайғамбарымыздан жеткен жақсылықтың, қайырым мен мейірім дінінің қазақ топырағында дәні егіліп, тамырын жайғанына да ондаған ғасыр өтті. Ат үстінде күн кешіп, ер жастанған қайсар халық еңсесі түсіп, тізесі бүгілген дәуірлерде де діні мен ділін, тілі мен тұғырын жоғалтпады.

Астана қаласы мешіттері имамдарының «НҰРЛЫ МІНБЕР-2015» атты байқауын өткізу ЕРЕЖЕСІ

 1. Жалпы жағдай

1.1.        «НҰРЛЫ МІНБЕР-2015» атты байқау (ары қарай – Байқау) Астана қаласы имамдарының ашық білім байқауы болып саналады;

1.2.        Байқау сыртқы және негізгі болып екі кезеңнен тұрады;

1.3.        Сыртқы кезең 2 турдан, негізгі кезең 5 турдан тұрады;

1.4.        Байқау 2015 жылдың сәуір айының 15-ші жұлдызы күні өтеді.