13
Бейсенбі,
Тамыз

һижри

Бүгін Қазақстан мұсылмандары діни басқармасының өкілдерінен құралған комиссия тобы Астаналық имамдар мен ұстаздардың білімдері әрі біліктіліктерін тексеру мақсатында сараптама жұмысын бастады. Сынақ билеттері комиссия мүшелері мен қатысушылар алдында ашылып, таратылды. ҚМДБ аппарат басшысы, комиссия төрағасы Ғилымбек Мәжиев дін қызметкерлеріне сараптаудан сәтті өтуге тілектестігін білдірді.

Қазақстан мұсылмандары діни басқармасы мен Египеттің «Әл-Әзһар» университеті арасындағы діни білім беру саласындағы ынтымақтастық меморандумына сәйкес, бұл күндері ел медреселеріне Әбу Ханифа мәзһабы және Матуриди ақидасының ғалымдар тобы келе бастады.

Құрметті Астана қаласының дінсүйер қауымы!

Жуырда ғана «Нұр Астана» орталық мешітінің наиб имамы қызметіне тағайындалған белгілі исламтанушы,  білікті ұстаз Қабылбек Әліпбайұлы Астана қаласындағы мешіттерде ақпан айының басынан жоспарлы түрде дәрістер өткізеді. Атап айтсақ, ақида (сенім), фиқһ бойынша сабақтар жүргізіп, қоғамдағы ең өзекті діни мәселелерге жауап беретін болады. Олай болса, дін ғылымын білімді ұстаздардан үйренейік.   

Ұстаз Қабылбек ӘЛІПБАЙҰЛЫның мешіттерде

 жүргізетін дәріс кестесі:

 

«Нұр Астана» орталық

мешітінің баспасөз қызметі

Қайырымдылық – жүректерді жұмсартып, көңілге қуаныш себелейтін сауапты іс. Қайырымды қоғамның болашағы да жарқын. Бүгін «Нұр Астана» орталық мешітінің ұйымдастыруымен өткізілген «Мейірімділік мекені» қайырымдылық шарасында шаһардағы тұрмысы төмен және көпбалалы ата-аналардың мектеп жасындағы бүлдіршіндері мен №24 орта мектептен келген 40 оқушыға қысқы киімдер (куртка, бас киім) сыйға тартылды.

Таяуда Қазақстан мұсылмандары діни басқармасының наиб мүфтиі, «Нұр Астана» орталық мешітінің бас имамы Наурызбай қажы Тағанұлы, орталық мешіттің наиб имамы Әділхан Серікбай мен «Астана» медресесінің ұстазы Айбек Омаров Астана қаласы бойынша Қылмыстық-атқару жүйесі департаментінің ЕЦ-166/5 түзеу мекемесінде болып, жазасын өтеушілермен кездесу өткізді.

Өткен жыл Қазақстан мұсылмандары діни басқармасының «2020 жылға дейінгі діни білім беруді дамыту тұжырымдамасымен» қорытындыланды. Қоғамдағы діни ахуалды саралай келе қабылданған аталмыш құжатта сауат ашу, діни білім беретін жоғары оқу орындары, имамдардың біліктілігін арттыру секілді өзекті мəселелер кеңінен қамтылған-ды. Міне, бұл тұжырымдама мешіт ұстаздары үшін де бағыт-бағдар көрсетіп қана қоймай, сауатты да сапалы шәкірттер әзірлеуіне мүмкіндік туғызбақ.

Ақида – дін саласындағы сенім жүйесінде қолданылатын ұғым. Иман негіздері де осы салада қамтылатын тақырып. Қазақстан мұсылмандары діни басқармасы төрағасы Ержан қажы Малғажыұлының дін саласын дамыту үшін бекіткен төрт бағытының бірі – халықтың діни сауатын ашу, жамағатқа арналған дәстүрлі дін дәрістерін жүйелі түрде өткізу болып табылады.

Дін атын бетперде қылған ағымдар ақиқатын анықтау – дін саласындағы өзекті мәселе. Қазақстан мұсылмандары діни басқармасының алға қойған мақсат-міндеттері де жат ағым идеологиясынан жастарды, жалпы қоғамды қорғау, теріс пиғылды топтардың ел ішінде таралуына жол бермеу болып табылады.

Бүгін «Әзірет Сұлтан» мешітінде Астана имамдарының жылдық жұмыс жоспарына арналған жиын өтті. ҚМДБ наиб мүфтиі, «Нұр Астана» орталық мешітінің бас имамы Наурызбай қажы Тағанұлының төрағалығымен өткен мәжілісте биыл атқарылуы тиіс ауқымды шаралар жобасы талқыланды.

Қасиетті жұма күні ҚМДБ төрағасы, бас мүфти Ержан қажы Малғажыұлының бұйрығымен белгілі исламтанушы Қабылбек Жұмабеков «Нұр Астана» орталық мешітіне наиб имам қызметіне тағайындалды.