Таң
 
Күн
 
Бесін
 
Екінті
 
Шам
 
Құптан
 
30
Бейсенбі,
Сәуір

һижри

Пайғамбар (с.ғ.с) үлгі еткен төрт әйел

Пайғамбарымыз Мұхаммед (оған Алланың игілігі мен сәлемі болсын): «Көптеген еркек кемелдікке жетті, бірақ, әйелдер арасында кемелдікке жеткен төртеу ғана: Имранның қызы – Мәриям, Музахимның қызы – Әсия, Хуайлидтің қызы – Хадиша, Мұхаммедтің қызы – Фатима» деген хадисті келтіреді. (Бұхари). Хадистің басқа нұсқаларында «осы дүниеде де, ақыретте де құрметке ие болатын төрт әйел», «әлемнің ең жақсы әйелдері» деп те айтылады.

Сонда бұл әйелдер кім болды? Олар – ең әдемі бақтағы ең көркем гүлдер. Олар – әлеуметтік жағдайына, ұлтына, жасына қарамастан әрбір мұсылман әйелге үлгі болатын тұлғалар. Әрбірінің өмірбаянымен танысқан сайын оларға деген махаббатымыз артады, көбірек білуге асығамыз, ұқсауға ұмтыламыз, олармен Қияметте бірге болуды мақсат тұтамыз. Ендеше, пайғамбарымыз (оған Алланың игілігі мен сәлемі болсын) үлгі еткен төрт әйелдің тағылымға толы өмір жолын назарларыңызға ұсынамыз.

Сүйіспеншіліктің 5 тілі

Ардақты Пайғамбарымыздың (оған Алланың салауаты мен сәлемі болсын) отбасылық өмірінде ұстанған принциптері, отбасы, бала тәрбиесіне арналған сүннеті бар. Психологтар көптеген отбасылардың бірін-бірі дұрыс түсінбеуі салдарынан шайқалып жатқанын айтады. Ерлі-зайыптылар бір-бірін түсінбегеннен кейін бір-бірінің сүйіспеншілік тілін де түсінбейді. Сүйіспеншілік тілі деген не? Яғни бір-бірінен күтетін құрметті немесе қызметті аңғара алмайды. Психологтардың айтуынша, сүйіспеншілік, ымырашылдық, яғни отбасын бақытқа жетелейтін бес жол бар екен.

Ұл тәрбиесіндегі әкенің рөлі

Қазіргі таңда өкінішке орай, жалғызбасты аналарымыз көп. Олар балаларын асырап бағуды да, тәрбие беруді де, әрі әкесі әрі анасы болуды да  өз мойындарына алған.  «Өзім-ақ, әкесіз-ақ өсіремін» деу, әрине үлкен қателік. Әке тәрбиесін, әкенің орнын ешкім де баса алмасы анық. 

Бала тәрбиенің алғашқы сабақтарын отбасында алады, онда адамгершілік пен гуманизмді қалыптастырудың бүкіл процесінен өтеді. Ұрпақтан-ұрпаққа беріліп келе жатқан дәстүрлер мен жоғары мұраттар дәл осы ортада беріледі. Адамдарды өзара түсіністікке жетелейтін басқаларға деген сүйіспеншілік пен құрмет қасиеті тек үлгілі шаңырақта қалыптасады.

Тектілік кімнен көп беріледі?

«Үйдің жақсы болмағы ағашынан, жігіттің жақсы болмағы нағышыдан» деп мақалдап жатады. Әйелдің тегіне, шыққан жеріне байланысты осылай деген.

Даналығымен дара болған әкелер

Бірде қарт Құнанбай баласы Абайды шақырып: «Балам,  сен әкеңе жете туғансың ба, өте туғансың ба?» деп сұрайды. Сонда Абай: «Әке, мен өте туғанмын, өйткені мен ақын болдым» деген екен. Аз ғана ойланған дана Құнанбай: «Жоқ, сен маған жете тудың. Өте туу үшін Абай секілді бала тәрбиелей алуың керек», деп жауап қатқан деседі.

Қыз бала өмірлік серігін қалай табады?

Аллаға шүкір, біз мұсылманбыз! Ислам бізге ақылға қонымды, қалыпты және құндылықты өмір сыйлайды. Біздің дінімізде әйел табиғатына жат нәрсе жоқ.

Анаға құрмет – баршаға міндет

Күллі әлемнің иесі Аллаға мақтау, мадақтар болсын. Әлемге қамқорлық әрі ескертуші ретінде жіберілген әлемнің ең соңғы Пайғамбары Мұхаммедке (Алланың оған игілігі мен сәлемі болсын) сәлем әрі салауат   болсын!
Мына дүниеде Ұлы Жаратушыны қоспағанда ананың мейірімнен асатын мейірім жоқ деуге болады. Сондықтан ананың орны әрқашан ерекше.

Адам баласы мұсылман деген ұлық атты өзіне ту етіп алғаннан кейінгі әрекеті Жаратқанның әміріне бойұсынып, құлшылығын жасау болмақ. Алланың әмірінен кейін орындалуы тиіс ғибадат, ол – ата-анаға құрмет көрсетіп, олардың мәртебесін асқақтату.

59 бет, барлығы: 68