20
Жексенбі, Қазан

һижри

Бүгін Астанада «Халал сертификациялау» саласы бойынша арнайы семинар бағдарламасы өтті.  Онда Қазақстан мұсылмандары діни басқармасының наиб мүфтиі Наурызбай қажы Өтпенов, ҚР Инвестициялар және даму министрлігі Техникалық реттеу және метрология комитеті төрағасының орынбасары Ғалымжан Дұғалов, ҚР Мәдениет және спорт министрлігі Діни істері комитеті төрағасының орынбасары Бахытжан Күлекеев және ҚМДБ-ның халал сертификаттау бөлімі меңгерушісі Бейбіт Мырзагелдиев пен дін қызметкерлері қатысты.

Астана күні мерекесіне орай Қазақстан Республикасының Сауд Арабиясы Корольдігіндегі Елшілігі мұсылман әлеміне танымал «Әл-Арабия» телеарнасымен бірлесе отырып, ҚР Президенті Нұрсұлтан Назарбаев туралы арнайы деректі фильмді көрермендердің назарына ұсынды. Бұл туралы ҚР Сыртқы істер министрлігі баспасөз қызметі хабарлады.

Алматыда қасиетті айдың құрметіне "Рамазан тартуы" акциясы аясында Қазақстан мұсылмандары діни басқармасының жанынан ашылған «Зекет қоры» мен Алматы қаласы орталық мешітінің бірлесуімен игі шара өтіп, тұрмыс жағдайы төмен 100 отбасыға қаржылай көмек көрсетілді. Бұл туралы ҚМДБ баспасөз қызметі хабарлады.

Бұқаралық ақпарат құралдары өкілдерінің кәсіби мерекесіне орай Қазақстан мұсылмандары діни басқармасында наиб мүфти, «Нұр Астана» мешітінің Бас имамы Наурызбай қажы Тағанұлы Діни басқарманың аймақтардағы баспасөз хатшыларын журналистер күнімен құттықтады. Бұл туралы Muftyat.kz хабарлайды.

«Қасиетті рамазан айында Алматы облысы, Қырғауылды елді-мекенінде «Халифа қажы Алтай» мешіті мұсылман жамағатының пайдалануына берілді» деп хабарлайды ҚМДБ баспасөз қызметі. Айта кетейік, мешіт жеке кәсіпкерлер мен демеушілердің көмегімен тұрғызылды.

ДАИШ, ИШИР секілді лаңкестік ұйымдары өз шекараларының кеңейіп келе жатқанын насихаттау мақсатында ақпараттық құралдарды тиімді пайдалануға бар күшін салуда. Бұл жайында ҚР Президенті жанындағы Стратегиялық зерттеулер институтының директоры Ерлан Қарин Орталық және Оңтүстік Азия елдеріндегі зорлық-зомбылық экстремизмге қарсы іс-қимыл жөніндегі өңірлік конференциясында баяндады.