Бүгін елордада «Астана – таза қала» ұранымен жалпықалалық сенбілік өтті.   Шаһар бойынша абаттандыру, көгалдандыру және санитарлық тазалау шарасына 100 мыңдай адам қатысты. «Нұр Астана» орталық мешіті де экологиялық айлықтан тыс қалмай, мешіттің іші-сыртын  тазалауға ұжым болып  кірісті.

«Жетім көрсең жебей жүр» дейді қазақ халқы. Бұл өсиетті «Зекет» корпоративтік қорының Астана қаласы өкілдігі берік ұстанып келеді. Күні кеше қор қызметкерлері елордалық әкімдікке қарасты Мамандандырылған балалар үйіне барып, бүлдіршіндердің хал-жағдайын біліп келді.

Отбасы күніне орай бүгін «Нұр Астана» орталық мешітінде «Мерейлі отбасы» рухани кездесу кеші өтті. Мерекелік шараға жыл басынан бері отау құрып,   «Нұр Астана» орталық мешітінде ақ некесін қидырған 200-ден аса жұп қатысты.

Бүгін Қазақстан мұсылмандары діни басқармасының төрағасы, бас мүфти Ержан қажы Малғажыұлының бұйрығымен Сматаев Ибрагим Келдібайұлы ҚМДБ-ға қарасты "Зекет" корпоративтік қорының Астана қаласы бойынша жауапты өкілі  қызметіне тағайындалды.

Құрбан айт мейрамындағы Астанадағы айт намазына 30 мыңнан астам адам қатысты. Көкжиектен күн шыққанан-ақ мешітке ағылған қалың көпшіліктің саны Қадір түніндегіден кем болмады. Мешіттерде ине шаншар орын қалмай, мешіт ауласына қосымша жайнамаздар төселді. Бұл дініміз дәріптеген ерекше күндер – бұқаралық сипатқа ие болғанының айқын көрінісі. 

2013 жылдан бері қыркүйектің екінші жексенбісі ҚР Президенті Жарлығымен Отбасы күні ретінде тойланып келеді. Биыл бұл мереке 10 қыркүйекке түсіп отыр. Осыған орай, бүгін ҚМДБ наиб мүфтиі, Астана қаласының бас имамы Наурызбай қажы Тағанұлы «Шалқар» радиосының қонағы болып, «Өнегелі отбасы» хабарының тікелей эфирінде неке қию, шаңырақ құру тақырыбында тағылымды сұхбат берді.

Астана іргесіндегі «Теміржолшылар» елдімекенінде орналасқан «Әс-Сәлам» мешіті Құрбан айт мейрамында бірқатар қайырымдылық шараға ұйытқы болды.

Астанадағы «Төлебай» мешіті Құрбан айт мерекесінде дәстүр мен қайырымдылыққа  ерекше ден қойды.

Қасиетті Құрбан айт мейрамының екінші күнінде ҚМДБ-ның Жалпы және жастар ісі бөлімі «Әйелдер-қыздар» секторы ақжаулықты аналар мен дін саласында қызмет етіп жүрген қыз-келіншектердің басын қосып, айт дастарқанын жайды.

Құрбан айт мейрамына орай жыл сайынғы дәстүр бойынша Корпоративтік «Зекет» қорының Астана қаласы өкілдігі балаларға мерекелік кеш сыйлады. Іс-шараға көпбалалы, әлеуметтік аз қамтылған отбасылардан 1-15 жас аралығындағы 200 бала қатысты.