Индонезияда мұсылман әйел дін қызметкерлерінің алғашқы конгерсі 18 жасқа толмаған қыз баласымен неке қиюға қарсы пәтуа шығарды.
Конгреске жиылған әйел азаматшалар жергілікті биліктен неке қию жасын 16-дан 18 жасқа көтеруге шақырды. Олар ерте тұрмысқа шығу индонезиялық қыздардың білім алуына кедергі болатынын, мұндай некенің тең жартысы ажырасуға алып келетінін айтады. Конгресс сонымен қатар, жыныстық зорлық-зомбылық және қоршаған ортаға зиян келтіруға қарсы пәтуалар шығарды.
Индонезия мұсылман халқы көп ел саналады – 2010 жылғы санақ барысында елдегі әрбір он тұрғынның тоғызы ислам дінін ұстанады. Сондай-ақ, Индонезия кәмелеттік жасқа толмай неке қию бойынша да алдыңғы қатарда – елде әр төртінші қыз 18 жасқа дейін тұрмысқа шығады.
ummet.kz-ақпарат