20
Дүйсенбі,
Мамыр

һижри

Бүгін Қазақстан мұсылмандары діни басқармасының төрағасы, бас мүфти Ержан қажы Малғажыұлының бұйрығымен Сматаев Ибрагим Келдібайұлы «Нұр Астана» орталық мешітінің іс басқарушысы қызметіне тағайындалды. ҚМДБ наиб мүфтиі, «Нұр Астана» орталық мешітінің бас имамы Наурызбай қажы Тағанұлы бүгінгі жұма намазы уақытында жаңа қызметкерді жамағатқа таныстырып, бас мүфтидің бұйрығын оқып берді.

Қазақстан мұсылмандарының тұғырнамасы ел мұсылмандарының діни саладағы бағыты мен бағдарын айқындайтын негізгі құжаты. Мән-мазмұны зор құжатты халыққа насихаттап, өскелең буын – жастардың санасына сіңіру  қашан да маңызды іс.

Қазақ елі тәуелсіздігіне қол жеткізген уақыттан бері халықтың өшкені жанып, қос қазынасы қайта оралды. Ата діні мен баба салтына бекем ел руханияты өз тұғырына қонып, қуанышы молайды. Жер-жерде менмұндалаған күмбезді мешіттер саны артып, құбылаға жүз бұрған иманды жан көбейді.

Алаштың ардақты азаматы Ахмет Байтұрсынұлы 1913 жылы «Әуелі, газет — халықтың көзі, құлағы һәм тілі. Адамға көз, құлақ, тіл қандай керек болса, халыққа газет сондай керек... Дүниеде болып жатқан істер, сөйленіп жатқан сөздер — кімге пайдалы? Кімге зарарлы екендігін күні бұрын біліп, пайдалы болса, шаттанып, зарарлысынан сақтанып тұрады» деп, бүгінгі баспасөз құралының қоғамдағы орнын көрсетіп кетті.

Жадымызда болса, 19-ақпан күні елордада ҚМДБ-ның ұйытқы болуымен «Ислам – бейбітшілік пен келісім діні» атты І имамдар форумы өткен-ді. Форумда мынадай мәні мен маңызы зор төрт құжат қабылданды: «Қазақстан мұсылмандарының тұғырнамасы», «Мұсылманның тұлғалық бейнесі», «ҚМДБ қызметкерінің этикасы», «Имамның тұлғалық келбеті».

Елорда мектептерінде қала әкімдігі Жастар ісі бөлімі мен «Нұр Отан» халықтық демократиялық партиясы «Жас Отан» жастар қанатының бірлесуімен экстремизмге қарсы игі бастама қолға алынды.

Бүгінде донор тапшылығынан қиыншылыққа душар болған адамдар арамызда аз емес. Осы тапшылықтың орнын толтыру үшін республика көлемінде донорлық акциялары ұйымдастырылып келеді.

Бүгін иісі мұсылман халқы үшін қасиетті Мұхаррам айында «Нұр Астана» орталық мешітінде елордалық жамағатқа ауызашар дастарханы жайылды. Айта кетсек, хижри жыл санағына сәйкес, осы айдың оныншы күні Ашура деп аталады. Пайғамбар өнегесін өміріне өзек еткен игі мұсылман бұл күні Ашура оразасын ұстайды.

Бүгін елорданың айшықты құлшылық үйі «Нұр Астана» орталық мешітіне Бахрейн корольдігі «Құран Кәрімді қолдау» қорының президенті доктор Әділ Хасан әл-Хамад бастаған бір топ делегация келді. Бұл қатарда қордың вице-президенті шейх Уахит Халил Әли, қаржы төрағасы шейх Әли Ахмад әл-Рауйи, құрылтай мүшелері шейх Жамал әл-Жалахима мен шейх Омран Даруиш болды.

Қазақстан мұсылмандары діни басқармасының төрағасы, Бас мүфти Ержан қажы Малғажыұлының тікелей бастамасымен елімізге Бахрейн елінің «Құран Кәрімді қолдау» қорынан жеткізілген 100 000 (жүз мың) дана Қасиетті Құран Кәрім кітабы еліміздің мешіт, медреселері мен діни орындарға үлестірілуде.

Бүгін ҚМДБ-ның заңгері Сағитжан Даулетияр, «Нұр Астана» орталық мешітінің наиб имамы Төлеби Оспан, ҚМДБ «Зекет» қорының Астана қаласындағы өкілі Нұрлан Әлжанқұлов Астана қаласындағы «Әс-сәләм» мешітінде болды.