19
Сейсенбі,
Наурыз

һижри

Оразаны ортасынан тастап кетсе не болады?

Бастаған оразаңызды соңына шейін ұстау керек. Ауыз бекіткендігіңіздің қадірі сонда болмақ. Ораза ұстау - Жаратушы Иеңіздің Сізге бұйырған бұйрығы. Оны орындамаған адам күнәға батады. Ораза ұстамау – ауыр күнә.

Оразаның сауабын алу үшін ішіп-жеуден тыйылуы жеткілікті ме?

Ораза тұтқан адамға ораза кезінде де, одан басқа айларда да харам нәрселерден тыйылу керек. Алайда рамазан айларында бұл талап күшейтіледі. Өйткені оразаның дұрыс болуы үшін ауызды ашатын нәрселерден аулақ болу керек болса, оразаның қабыл болуына әрі мол сауапқа кенелуіне харамнан тыйылуы шарт.

Рамазанның әр күніне ниет ету шарт па?

Фиқһ ғалымдарының көпшілігінің көзқарасы бойынша, рамазанның әр күні үшін жеке-жеке ниет ету шарт. Өйткені әр күннің өзі жеке басына бір ғибадат болғандықтан басқа күндердегі ұсталған немесе ұсталатын оразамен байланысы жоқ. Сондықтан бір күнгі ораза бұзылса, ол басқа күндердегі оразаға әсер етпейді.

Басқа адамның атынан ораза ұстауға бола ма?

Жалпы құлшылықтарды үшке бөліп қарастырсақ болады. Тек қана мал-мүлікпен ғана жасалатын құлшылық, дене мүшелерімен ғана жасалатын құлшылық, дене мүшелерімен және мал-мүлікпен жасалатын құлшылық.  

Әтір және басқа да иіссуларды қолдану оразаны бұза ма?

Әтір, иіссуларды пайдалану, олардың хош иісін иіскеу Ханафи мәзһабы бойынша оразаны бұзбайды және оразаға ешқандай жағымсыз әсер етпейді.

Сұрақ: Бірде сәресіні тым ерте жеп ауыз бекіттім. Біраз уақыттан соң шөлдей бастадым. Таң атқанға дейін уақыт болғанына қарамастан оразамды бұзып аламын ба деп су ішпедім. Біреулер «су ішсең болар еді» деді. Осы жағдайда не істеу керек еді?  

Кей кезде байқаусызда сәресіні тым ерте жеп, таң атудан бір, не болмаса екі сағат бұрын ауыз бекітіп қоятын жағдай болады. Кейде біреулер ұйқылы көзбен сағатты шатастырып сәресіні апыр-топыр жеп, тоймай қалады. Ұйқысын ашып мұқият қараса, уақыт әлі ерте. Сәресіні қайта жейін десе, оразаны ниеттеніп, ауыз бекітіп қойды. Жемейін десе, таң атуға дейін біраз уақыт бар әрі сәресіге де тоймай қалды. Көп адам мұндай жағдайда: «Не істесем екен?» - деп, ойланып қалады. Бұл жағдайда білместен аузын ерте бекітіп қойған адам, таң атып кетпеуін қадағалап, сәресіні қайта ішіп, қуаттанып алса болады. Себебі:  «Алла Тағала үшiн әлсiз мүминнен гөрi қуатты мүмин артық әрі ұнамды».[1]  

[1] хадисті Әбу Һурайрадан (родиял-лаһу ъанһу) Имам Муслим риуаят етті. (Сахиху Муслим)

материал «Рамазан оразасына қатысты пәтуалар» кітабынан алынды,

ummet.kz