Бүгін «Нұр Астана» орталық мешітінде «Лаңкестік әрекеттерден сақтану жолдары» тақырыбында әйелдер жамағатына арнайы сабақ өтілді. Сабақты орталық мешіттің ұстазы, ҚМДБ жалпы жастар ісі әйел қыздар секторының жетекшісі Нұрғалиева Динара Құтқожақызы жүргізді.

«Астана медресе колледжінде» оқуға биыл 95 талапкер үміт білдірді. Бүгін олар кезекті емтиханды тапсырып, Ислам негіздері төңірегінде әңгімелесу кезеңінен өтті.

Бүгін корпоративтік «Зекет» қорының Астана қаласы өкілдігінде жыл сайынғы «Мектепке дайындаламыз» қайырымдылық акциясы өтті.

Кеше ақпараттық-түсіндіру тобы «Шапағат» коммуналдық базарының қызметкерлерімен  жат ағымдарға қарсы кездесу өткізді.

Астана іргесіндегі Теміржолшылар кентінде орналасқан «Әс-Сәләм» мешітінде «Мектепке жол» қайырымдылық шарасы өтті.

Бүгін «Нұр Астана» орталық мешітінде «Астанадан нұрлы сапарға ақ жол» қажылық  сапарға Астана қаласынан жол жүретін қажыларды шығарып салу шарасы өтті. Шараға бес парыздың бірі –  қажылықты өтеуді ниет еткен мұсылмандармен қатар ҚМДБ-ның Жастар және жалпы бөлім меңгерушісі Алтынбек Ұтысханұлы, ҚМДБ-ның мешіт істері бөлімінің меңгерушісі, «Тауаф» фирмасының директоры Жанділда Бекжігітов және «Нұр Астана» орталық мешітінің наиб имамы Нұрлан Рамазанов, «Сәдуақас қажы Ғылмани» мешітінің наиб имамы Әділ Агитаев  қатысты.

Әр оқу жылының қарсаңында ҚМДБ мешіттері «Мектепке жол» қайырымдылық іс-шарасын дәстүрлі түрде өткізіп келеді. Биылғы оқу жылында да елорда мешіттерінде «Мектепке жол» акциясы жалғасын тапты.

Жаңа оқу жылына орай кеше «Төлебай» мешітінде «Мектепке жол» қайырымдылық акциясы өтті. «Төлебай» мешітінің бас имамы Асхат Салимов ұйымдастырған дәстүрлі шараға Астананың, Күйгенжар және Интернациональный (Учхоз) тұрғын аумақтарының әлеуметтік аз қамтылған, көпбалалы отбасы балалары мен ата-ана қамқорлығынсыз қалған оқушылары қатысты.

23 тамыздан бастап қажылыққа аттанатын астаналықтар  қасиетті сапарға сақадай-сай. Бүгін олар ҚМДБ-ның Астана қаласы өкілдігі ұйымдастырған қажылыққа дайындықтың 8 сағаттық дәрістерін тәмамдады. «Әлжан ана» мешітінің медресе ғимаратында өткен «Қажылық курсының» жабылуына ҚМДБ наиб мүфтиі, «Нұр Астана» мешітінің бас имамы Наурызбай қажы Тағанұлы қатысып, Меккеге баратын жамағатқа ақ жол тіледі.

Қажылыққа Астанадан аттанатын жамағатты қасиетті сапарға дайындау жұмыстары қызу жүріп жатыр. «Әлжан ана» мешітінің медресе ғимаратында өткізілген қажылық курсына бүгін Дін істері және азаматтық қоғам министрлігінің Дін істері комитеті Исламдық діни бірлестіктермен байланыс жөніндегі басқарма басшысы Бауыржан Есмахан қатысып,  тәжірибелі маман ретінде маңызды кеңестермен бөлісті.