29
Жұма,
Наурыз

һижри

44. Иғтикәфтың мерзімі мен орыны

Ораза

 

Уәжіп және нәзір иғтикәфтың уақыты ең аз дегенде бір күн болуы тиіс. Себебі, уәжіп иғтикәфта ауыз бекітілуі тиіс.[1] Бұл мәселеге қатысты Расулуллаһ (солләл-лаһу ғаләйһи уә салләм): «Иғтикәф оразасыз болмайды»,-деген.[2]

Нәфіл иғтикәфтің уақыты мәселесіне келер болсақ, ғалым-дардың арасында нәфіл иғтикәфтың мерзіміне қатысты түрлі пікір бар.[3] Мәселен Имам Әбу Ханифаның (рохматул-лаһи ъаләйһи) пікірінше, ең аз дегенде бір күн иғтикәф етуді ниеттену қажет.[4] Алайда Имам Мухаммадтың[5] (рохматул-лаһи ъаләйһи) пікірінше, бір сағатқа иғтикәф етуді ниеттенсе болады.[6]

Иғтикәф орыны мәселесіне келер болсақ,[7] Мекке тұрғыны болған ер адам үшін ең абзал мешіт Меккедегі «Әл-Харам»[8] мешіті, Мадина тұрғыны болған ер адам үшін Мадинадағы Пай-ғамбардың (солләл-лаһу ғаләйһи уә салләм) мешіті, ал Иеруса-лим тұрғыны болған ер адам үшін Иерусалимдегі «Әл-Ақса» мешіті.[9] Кейінгі кезекте орталық, кейін әркімнің өзі тұратын жердегі мешіт тұр.[10]

Әйел адамның иғтикәф ету орыны мәселесін «Әйел адам-ның ътикәфтің» тақырыбын қараңыз.

Абдуссамад Махат

«Нұр Астана» мешітінің наиб имамы

 



[1]Бұл да сонда.

[2]«Насбур-Райа».

[3]«Фадаил-аъмәл».

[4]«Фиқһүл-ъибадат ъаләл-мазһабил-ханафи».

[5] Имам Мухаммад – Имам Әбу Ханифаның (рохматул-лаһи ъаләйһи) шәкірті.

[6]«Фиқһүл-ъибадат ъаләл-мазһабил-ханафи».

[7]«Иътикәф дұрыс болудың шарттары» тақырыбын қараңыз.

[8]яғни, «Қасиетті Мешіт».

[9] ол мешітті «Бәйтүл-Муқаддас» деп те айтады.

[10]«Әл-фиқһу ъаләл-мазаһибил-арбаға».

Бөлісу: