27 мамыр күні ҚМДБ-ның төрағасы, бас мүфти Ержан қажы Малғажыұлының жүлдесі үшін мешіт жамағаты арасында қазақша күрестен ІІІ Республикалық турнир өтеді. Әуесқой палуандар арасында өтетін дүбірлі додаға еліміздің барлық өңірлерінен үміткерлер қатысатын болады.

Дана халқымыз сабырдың сыйын алтынға балап, ақылмен дос болып, ашу-ыза, өкпе-реніштен алыс тұруды ұрпағына өсиет етті. Қоғамда орын алатын құбылыстар мен іс-әрекеттердің барлығы иісі мұсылман заты үшін бес күн жалғанда көретін болмашы сынақ қана.

Сәуірдің 28-де ҚМДБ жанынан құрылған Республикалық ақпараттық-насихат тобының (РАНТ) мүшелері Астана мешіттерінде болып, жергілікті жамағатпен кездесті.

«Көп біріксе – ел болар, Көп тілегі – көл болар». Қазақ халқы қашанда ағайынның амандығын, көршісінің тілегін тілеп, малы мен өрісін бөлісіп келген. Солтүстік Қазақстан облысына қарасты ауылдарды су тасқыны шайып, ағайын әбігерге түскенде Астана халқы игі бір көшті бастады.

Қазақстан мұсылмандары діни басқармасының бастамасымен Солтүстік Қазақстан облысы, Тайынша ауданындағы су тасқынынан зардап шеккен ауылдарға көмек көрсету мақсатында игі іс қолға алынды.

Құрметті Астана қаласының тұрғындары мен қонақтары! Исламтанушы-ғалым Сансызбай Шоқанов «Маңызды мәселелер» деген тақырыпта мешіт жамағатына уағыз жүргізеді.

Астана қаласындағы «Әзірет Сұлтан» мешіті өз шәкірттері мен жамағатының діни ілімдерін арттыру бойынша уағыз-насихат жұмыстарын қарқынды түрде жүргізіп келеді. Осы мақсатта мешітке белгілі дінтанушы ғалымдар мен білікті имамдар шақырылып, ақшам намазынан соң арнайы кездесулер ұдайы ұйымдастырылып келеді, деп жазады Muslim.kz.

Бүгін жалпықалалық сенбілік шарасына астаналық дін қызметкерлері де өз үлестерін қосты. «Нұр Астана» орталық мешіті мен «Астана» медресесі ұжымы Қабанбай батыр даңғылының бойындағы алаңқайды тазалады.

Бүгін ЭКСПО қалашығындағы құрылысшылар ұжымында «Қоғамдағы діннің рөлі» тақырыбында кездесу өтті. Астана әкімдігінің ұйымдастыруымен өткен шараға Геосаяси зерттеулер институтының директоры, Л. Гумилев атындағы Еуразия ұлттық университетінің Дінтану кафедрасының профессоры Асылбек Избаиров, Л. Гумилев атындағы ЕҰУ Дінтану кафедрасының оқытушысы, дінтанушы Кеңшілік Тышхан, «Нұр Астана» орталық мешітінің наиб имамдары Төлеби Оспан, Қабылбек Жұмабеков, Астана қаласы Дін істері басқармасы басшысының міндетін атқарушы Нұрдәулет Әлмұханов, Атырау облысы Дін істері басқармасының басшысы Еркінбек Шоқай қатысты.

Бүгін Астанада «Сәдуақас қажы Ғылмани» мешітінде қыздар арасындағы республикалық Құран жарысына іріктеу сайысы өтті.