Мені (әрдайым) естеріңе алыңдар, сонда мен де сендерді есіме аламын. Маған шүкіршілік білдіріңдер, күпірлік қылушы болмаңдар» («Бақара» сүресі, 152-аят).
«Егер шүкіршілік білдірсеңдер, нығметімді одан сайын арттыра түсемін» («Ибраһим» сүресі, 7-аят).
Олардың «(жұмақтағы) дұғалары: «Бар мақтау әлемдердің Раббысы Аллаға ғана тән» – деп аяқталатын болады» («Юунус» сүресі, 10-аят).
Уа, иман келтіргендер! Алланы жиі еске алыңдар һәм ертелі-кеш пәктеп ұлықтаңдар» («Ахзаб» сүресі, 41-42- аяттар).
«Расында, жеті қат аспан мен жердің жаратылуында, түн мен күннің алма-кезек ауысып, ұзарып-қысқаруында ақылды жандар үшін көптеген ғибрат аларлық белгілер бар. Олар тұрып та, отырып та, жантайып жатып та үнемі Алланы еске алады» («Әли Имран» сүресі, 190-191-аяттар).
Әбу Һурайра (р.а.): «Миғраж түнінде (Жәбірейіл періште) Пайғамбарымызға (саллаллаһу аләйһи уә сәлләм) біреуіне шарап, екіншісіне сүт құйылған екі тостаған ұсынғанда, Пайғамбарымыз (саллаллаһу аләйһи уә сәлләм) сүт құйылған тостағанды таңдады. Сонда Жәбірейіл (ғ.с.) періште: «Саған жаратылыс мақсатына сай дұрыс таңдау жасатқан Аллаға сансыз мадақ пен шүкіршілік айтамын. Егер шарапты алғаныңда үмбетің арсыздыққа бой алдырып тура жолдан адасар еді», – деп айтты», – деген.(Муслим, иман 272/әшрибә 92).
Әбу Һурайра (р.а.): «Расулалла (саллаллаһу аләйһи уә сәлләм): «Аллаға «әлхамду лилләһ» деп мадақ пен шүкіршілік айтпай басталған әрбір келелі іс жалғасын таппай берекесі қашады», – деп айтты», – деген (Әбу Дәуіт, әдәб 18).
материал «Хадистер жинағы» кітабынан алынды,
ummet.kz
